پاریسده هجوم اویوشتیرگنلردن بیری قولگه آلیندی. 26 یاشر صلاح عبدالسلام جمعه کون اوتکزیلگن عملیاتده حبسگه آلیندی. او، عملیات نتیجهسیده ایاغیدن یرهلنگن. عبدالسلام بروکسلنینگ مولبنگ منطقهسیده فرانسه و بلجیم ملی کوچلری آرقهلی اوتکزیلگن عملیات نتیجهسیده قولگه آلینگن.
بلجیم باش وزیری بیلن قوشمه مطبوعات انجمنی اوتکزگن فرانسه جمهور رییسی فرانسوا اولاند، « صلاح عبدالسلام قولگه آلینیشینی دموکراسی اوچون موفقیتلی بیر اوروش دیگن"
دوسیهنی تیکشیرووچی باشقرهلاووچیلیک هم پاریسده هجوم عملگه آشیرگن عبدالسلام ناملی شخص قولگه آلینگنلیگی نی تصدیقلهگن. ایتلیشیچه، مذکور شخص امین چوکری مستعار نامی بیلن شهردن ایرکین باردی کیلدیسی بولگن.
بو ترورچینی قولگه آلیش عملیاتی اوچ کون آلدین پولیس قولیگه شبههلی بیر پاسپورت توشگندن کیین ملی کوچلر طرفیدن باشلگن ایدی.
فرانسه ملی کوچلری، قولگه آلینگن شخصنی تیرگاو قیلماقده. ایتلیشیچه، عبدالسلامدن داعشنینگ باشقه برنامهلری همده بو حرکت قهییردن مالیهوی حمایهلنیشی اوچون هم تیکشیروو اوتکزهدی.
بوندن آلتی آی آلدین پاریسنینگ بیر قنچه منطقهسیده هجوم اویوشتیریلگن ایدی. حادثهده 125 آدم هلاک بولیب و 200 نفر ایسه تن جراحتی آلگندی.
بیرینچی پارتلش آلمان و فرانسه ملی فوتبال تیملری اورتهسیده بیلشوو اوتهیاتگن بیر چاغده فرانسه سپورت مرکزینینگ یقینده صارد ایتیلگن ایدی. اوشبو استدیومده فرانسه جمهور رییسی فرانسوا اولاند هم بولگن. شونینگدیک ایکینچی حادثه هم 15 دقیقهدن کیین مذکور استدیوم یقنیده عملگه آشیریلگندی.
پارتلشلردن آلدین پاریسنینگ بعضی منطقهلریده آلتی بار اوق اوزیش آوازی ایشیتیلگن. قوراللنگن شخصلر باتاکالا کنسرت سالونیگه کیریب آلیب 1500 انساننی گروگه آلگن ایدی. شونینگدیک هجومچیلر بیلن پولیس اورتهسیده یوز بیرگن توقنشووده 100 کیشی هلاک بولگنی ایتیلگن ایدی.
