ملی کینگش نماینده‌لریدن بیرقطارلری، حکومت پارلمانی سیلاو بولیب اوتیش زمان‌نی انیقلنتیرمه گن حالده، ملی کینگش قانون‌گه کوره، مشروعیتی‌نی قولدن بیره‌دی دیگن‌لر.
نماینده‌لرگه کوره، اگر پارلمانی سیلاو تاریخی بیللی بولمسه، ملی کینگش ایشی قیینچی‌لیک‌که دوچ کیله‌دی.
دوشنبه کونگی مجلس اولتیریشی‌ده ملی کینگش باشلیغی عبدالرؤوف ابراهیمی، جمهور رییس غنی‌دن اولکه اساسی قانونی‌گه حرمت قوییب، پارلمانی سیلاو تاریخی‌نی تیزلیک‌ده بیللی قیلیشی‌نی سوره‌دی.
جناب ابراهیمی‌گه کوره، ملی بیرلیک حکومتی‌نینگ قانون سیزلیگی‌گه گواه بولماقده‌لر، قانون‌گه قرشی ملی کینگش ایشی اولکه فایده سیگه ایمس دیر.
پارلمانی سیلاو جاری ییل ثور آیی‌نینگ 2 سیده بولیب اوتیشی کوتیلر ایدی، بیراق حکومت سیلاو تیزیمی‌گه اصلاحات کیلتیریش باعث سیلاو زمانی بیر ییل کیین قالدی.
ملی کینگش نماینده‌سی ذکریا ذکریانینگ ایتیشیچه، پارلمانی سیلاو توغری سیده حکومت دقت سیزلیگی، افغانستان قانونی‌نینگ سوراققه دوچ کیلتیره‌دی.
سیلاولر ایرکین کمیسیونی معلوماتی‌گه کوره، حاضرگه قدر پارلمانی سیلاو تاریخی جمهور رییس‌لیک ریاستی تمانیدن تعیین بولمه‌گن.
ملی کینگش ینه بیر عضوی عبدالستاد خواصی‌گه کوره، ملی کینگش سیلاوی کیین قالیشی ایزیدن کته بهانه بار، بو موضوع‌نی خلق قبول ایتمه‌یدی.
باشقه تماندن، نماینده‌لر، سیلاولر تیزیمی‌گه اصلاحات کیلتیریش کمیسیونی ایجاد ایتیلیشی‌دن تنقیدقیلیب و حکومت‌نی بوتوغریده کوچ‌سیزلیک‌که عیب‌لنگن‌لر.
جمهور رییس غنی امیریکه گه سفر قیلیشی‌دن آلدین، شکریه بارکزی‌نی سیلاولر نظامی‌گه اصلاحات کیلتیریش کمیسیونی‌نینگ باشلیغی صفتی‌ده تانیشتیرگن ایدی. اما، اجراییه باشلیغی خانم بارکزی‌گه قرشی‌لیک کورستدی.
حاضرگه قدر سیلاولر نظامی‌گه اصلاحات کیلتیریش کمیسیونی‌نینگ تقدیری بیللی ایمس.
شونینگ‌دیک ملی بیرلیک حکومتی‌نینگ معلوم قیلیشیچه، اولکه سیلاولر نظامی‌گه اصلاحات کیلتیره‌دی. گزارشلرگه کوره، حکومت ملی کینگش سیلاوی بیلن تومن‌لر کینگشی سیلاولری‌نی بیرگه‌لیک‌ده یولگه قویه‌دی.
