د ټاکنو خپلواک کمېیون مسوولانو نن (دوشنبه) د کابل په «نوي ښار» کې د یوې خبري غونډې پرمهال وویل، کمېسیون تر امنیتي ګواښ لاندې دی او حکومت باید د کمېسیون مرکزي دفتر په ګډون، د ولایتي هغو امنیت هم ونیسي.
د دې کمېسیون رییس ګلاجان عبدالبدېع صیاد د کمېسیون مخې ته د ولسي جرګې ټاکنو لهپاره د نوماندانو له نوملړه د لرې شویو نوماندانو پلویانو اعتراض او د کمېسیون دروازې تړلو ته د اشارې ترڅنګ وویل، د کمېسیون په چارو کې یوه ورځ خنډ او ځنډ د زغم او جبران وړ نه دي.
د نوماندانو له نوملړه د لرې شویو او معترضو نوماندانو پلویانو نن سهار د ټاکنو خپلواک کمېسیون مرکزي دفتر دروازه وتړله او د کمېسیون کارکوونکیو ته د یې د ننوتلو اجازه ورنهکړه.
د ټاکنو خپلواک کمیسیون رییس وايي، که حکومت یې د کمېسیون امنیت خوندي نهکړي او د ټاکنو بهیر له ستونزو سره مخ شي، مسوولیت به یې د کمېسیون نه، بلکې د حکومت پرغاړه وي.
عبدالبدېع صیاد وايي، اعتراض د خلکو حق دی او باید له قانون سره سم وشي، خو په وینا یې چې د کمېسیون مرکزي او ولایتي دفترونو د دروازو تړل ملي خیانت دي.
د ټاکنو کمېسیون مسوولان دغه راز د کمېسیون امنیت ټینګښت برخه کې حکومت، په ځانګړې توګه اړوندې امنیتې ادارې په بېپروایۍ تورنوي.
موږ هڅه وکړه چې پهدې اړه د جمهوري ریاست نظر هم واخلو، خو د ولسمشر د ویاند مرستیال شاهحسین مرتضوي د ټاکنو کمېسیون د امنیت ساتل د کورنیوچارو وزارت مسوولیت وباله، خو د یاد وزارت ویاند بیا د سلاموطندار پرلهپسې اړیکې ځواب نهکړې.
