د افغانستان د کورنیو چارو وزیر ویساحمد برمک د فرانسې د ولسمشر ایمانویل مکرون لهخوا د (ترهګرۍ لهپاره پیسې نهشته) تر سرلیک لاندې په یوې امنیتي غونډې کې ګډون وکړ.
یادې غونډې کې د ښاغلي برمک ترڅنګ د ۷۰ هېوادونو څخه نږدې ۵۰۰ لوړو پوړیو چارواکیو او کارپوهانو برخه اخېستې وه.
دا غونډه د فرانسې په پلازمېنې پاریس کې جوړه شوې او موخه یې د هغو هڅو همغږي کول وو چې د اوږدې مودې لهپاره د ترهګرۍ ګواښونه کمولی شي.
د افغانستان د کورنیو چارو وزارت د یوې خبرپاڼې په خپرولو سره ویلي، د کورنیو وزیر ویساحمد برمک غونډې ته په وینا کې په افغانستان او سیمې کې د ترهګرو د ځپلو ترڅنګ د هغوی د مالي سرچینو په لهمنځهوړلو خبرې وکړې.
بلهخوا د فرانسې د ولسمشر دفتر له لوري خپره شوې خبرپاڼه لیکي، د ۲۰۱۴ او ۲۰۱۶ کلونو په منځ کې یوازې داعشیانو نږدې ۲ اعشاریه ۵ بیلیونه ډالرعاید ترلاسه کړي وو.
