وروسته له هغې چې ولسمشر محمداشرف غني د سولې په تړاو د ملي اجماع رامنځته کولو په موخه، د مشورتي لویې جرګې رابللو پرېکړه کړې؛ یو شمېر پخواني طالب چارواکي د دې جرګې په ترسره کولو نیوکه کوي.
پخواني طالب چارواکي او د افغانستان د حرکت انقلاب اسلامي ګوند مشر مولوي قلمالدین وویل، د سولې مشورتي لویې جرګې ترسره کولو موخه سوله نه، بلکې ولسمشر محمداشرف غني هڅه کوي، د تقلبي مشورتیې جرګې کې په فرمایشي ډول د خلکو په رابللو سره د خپلې کاري دورې غځولو ته مشروعیت ورکړي.
ورته مطالب:
ولسمشر: په کابل کې به د سولې مشورتي جرګه جوړه شي
حکمتیار: د سولې مشورتي جرګه بې ګټې ده
خلیلزاد: د سولې بینالافغاني خبرو پیلول بېړنی لومړیتوب دی
د افغانستان د حرکت انقلاب اسلامي ګوند او د افغانستان د خلاصون لارې عالي شورا مسوولانو همدارنګه هېواد کې د افغان ځواکونو د شپنیو عملیاتو او بمباریو په اړه هم اندېښنه څرګنده کړه.
دوی وویل، افغانستان کې د جګړې دواړه لوري باید داسې کړنې ترسره نهکړي چې د سولې پیل شوي بهیر ته زیان ورسوي.
دا څرګندونې داسې حال کې مطرحېږي چی د سولې په چارو کې د ولسمشر ځانګړي استازي او د سولې عالې شورا د دارالانشا مشر محمد عمرداودزي وړمه ورځ ویلي وو چې د روانې حوت میاشتې له ۲۶مې تر ۲۹مې د سولې مشورتي جرګې ترسره کولو اجنډا یوازې د سولې خبرې دي او دې جرګه کې به د هېواد له بېلابېلو سیمو څه باندې ۲ زره کسان د سولې په اړه خپل نظرونه شریک کړي.
