دا پېښه تېره شپه د دې ولایت د مرکز ګردېز د «زاهو» کلي په جومات کې شوېده.
د پکتيا امنيه قومندان سلام وطندار ته وويل، چې په پېښه کې ۳ کسان د وسلهوالو له لوري وژل شوي او۷ نور ټپيان شويدي.
عبدياني وايي، چې د دې سيمې د امنيت لپاره يې پلان نيولی او ډېر ژر به په سيمه کې سیمهيیز پوليس زيات او امکانات ورته برابر کړي.
خو عیني شاهدان وايي، چې له ۷ تر ۸ تنو وژل شوي او څو تنه نور ټپیان شوي.
د تېرې شپې دوه عيني شاهدان مولوي محمد نعيم او حنان چې بريدګر یې پهخپلو سترګو ليدلي، وايي، څلور وسلهوال کسان راغلل او په تراویحو کې یې ډزې وکړې او نور له ځایه وتښتېدل.
دوی زیاته کړه، چې په وژل شویو کسانو کې یو څارنوال هم شامل دی.
د پېښې اصلي انګېزه او وسلهواله ډله لا نهده معلومه؛ خو د پکتیا امنیه قومانداني ډاډ ورکوي، چې ډېر ژر به د پېښې عاملان پيدا او د قانون منګولو ته وسپاري.
