بوندن اوچ کون آلدین ملی مجلس‌نینگ عمومی ییغینی‌ده افغانستان قیشلاقلرنی رواجلنتیریش وزیری نصیراحمد درانی‌گه هجوم قیلگن مجلس‌نینگ اعضاسی سخی مشوانی اون کون پارلمان عمومی ییغین‌لریده اشتراک قیلیش‌دن محروم ایتیلدی. گواه‌لرگه کوره؛ مشوانی، نصیراحمد درانی نی سیلی بیلن اورگن.
بوگون (شنبه) ملی مجلس‌نینگ عمومی ییغینی‌نی باشقرگن مجلس‌نینگ اورین باسری ظاهر قدیر، وزیر و وکیل بیر- بیراولریگه بولگن عیب‌لاونی مشوانی‌نینگ اون کونلیک پارلمان‌گه کیلیشی‌دن محروم ایتیلگنی تولگن‌دن سونگ هجومی باره‌سی‌ده مجلس گه معلومات بیریشی کیره‌ک.
شونینگ‌دیک کنر ولایتی‌نینگ پارلمانده‌گی وکیلی مشوانی نینگ مایکی مجلس کاتبی عرفان‌الله عرفان تامانیدن اوچیریلگنی سبب اونگه هم عکس العمل کورستگنی ایتیله‌دی. قدیر، مجلس نینگ بو نمانیده‌سی پارلمان‌نینگ اداری هیاتی‌دن عذر سوره‌شی‌نی سوره‌گن.
حادثه‌دن سونگ سوزله‌گن قیشلاقلرنی رواجلنتیریش وزیری‌نینگ ایتیشیچه، جناب مشوانی لایحه‌لردن بیریگه 20% سهم آلیش اوچون مذکور وزیرلیککه بارگن. اما، نصیراحمد درانی مساله گه تَن بیرمی اونگه عکس العمل کورستگن. درانی، مشوانی نینگ بو قیلمیشی سابق‌دن اوزی‌نینگ برابریده بولگن عقده‌دن کیلیب چیقه‌دی دیگن.
لیکن، مشوانی‌نینگ بو توغریده سلام‌وطندارگه بیلدیریشیچه، بوندن نیچه وقت آلدین قانونی بیر مساله اوچون وزیرلیککه بارگن، بیراق، جناب درانی او بیلن قوپال معامله قیلیب اداره‌سیدن چیقارگن. مشوانی‌گه کوره، قیشلاقلرنی رواجلنتیریش وزیری بیلن هیچ قنده‌ی خصوصی قیین چیلیگی یوق.
افغانستان ملی مجلسی‌نینگ ایچکی قانونی‌گه کیریتیلگن ماده گه موافق کنر ولایتی‌نینگ مذکور نماینده‌سی اون کون ملی مجلس‌نینگ عمومی ییغینی‌ده اشتراک قیلیش‌دن محروم ایتیلگن.
