اوتکن هفته بلخ ولایتیده ایکی برق پروژه‌سی‌نینگ مملکت سو و برق وزیری علی‌احمد عثمانی تامانیدن آچیلیش قراری آلینگن ایدی، بیراق کابل هوا قونلغه سیدن جناب عثمانی‌گه اوچیش اجازه‌سی بیریلمدی، حاضرایسه جمهور رییس غنی مذکور پروژه‌لرنی افتتاح قیلیش اوچون بلخ ولایتی گه سفر قیلیش قراری نی آلگن.
کیم‌لیگی سیرقالیش‌نی ایسته‌گن بیر منبع‌نینگ سلام‌وطندارگه ایتیشیچه، سو و برق وزیری گه جمهورلیک ریاستی دستوری اساسیده بلخ ولایتی گه سفر قیلیش اجازه‌سی بیریلمگن.
بیر منبع‌نینگ نیچه پیت آلدن ایتیشیچه، جمهورلیک ریاستی، اجراییه ریاستی‌نینگ یوتوق‌لیک‌لری و امتیازلرینی کسب قیلیش اوچون سعی و حرکت قیله‌دی و جمهورلیک ریاستی‌نینگ تیمی، اجراییه ریاستی نی تضعیف قیلیش و یوتوق‌لیک‌لرینی اوز آتی گه یکونلنتیریش اوچون سعی و حرکت قیله‌دی.
جمهورلیک ریاستی اوشبو خصوصیده صحبت قیلمگن و سو و برق وزیرلیگی‌نینگ سوزلاوچیسی آصف غفوری‌نینگ ایتیشیچه، حاضرگچه علی‌احمد عثمانی دن بلخ گه سفر قیلیش اوچون دعوت ایتیلمگن.
جمهور رییس غنی اشبو سفرده، ایکی برق پروژه‌سی‌نینگ افتتاح قیلیشی چکه‌سیده امنیتی رسمیلر و سو تاشقینلردن زیان کورگن لر بیلن اوچره‌شو قراری نی آلگن بیراق بلخ حاکمی‌نینگ سوزلاوچیسی منیر فرهادنینگ ایتیشیچه خلم و مارمل تومن‌لریده برق پروژه‌سی‌نینگ افتتاح قیلیش جمهور رییس‌نینگ بیرینچی ایشلریدن دیر.
