د عامې روغتیا وزارت وايي، په تېرو څلېرویشت ساعتونو کې یې ۱۱۵۲ شکمنې نمونې کتلي چې له ډلې یې ۶۵۸ هغو پایله مثتبه ختلې ده. د دغه شمېر له ډلې ۲۳۷ یوازې په کابل کې ثبت شوې دي.
د عامې روغتیا وزارت مسوولان وايي، په دې سره په هېواد کې د کورونا د مثبتو پېښتو شمېر ۱۱ زرو او ۸۳۱ کسانو ته ورسېده.
په تېرو ۲۴ ساعتونو کې پر کورونا یو اخته کس مړ شوی او ۳۱ نور بېرته رغېدلي دي.
د عامې روغتیا وزارت د شمېرو له مخې، تر اوسه ۲۲۰ کسان چې پر کورونا ویروس اخته وو، مړه شوي او ۱۱۲۸ نور بېرته ښه شوي دي.
په نړۍ کې بیا له ۵ میلیونه او ۶۰۶۹۹۹ کسان پر کورونا اخته شوي چې له ډلې یې له ۳۴۸ زرو ډېرو خپل ژوند بایللی او له دوه میلیونه او ۳۸۳ زرو ډېر بېرته رغېدلي دي.
