د عامې روغتیا وزارت د خدمتونو وړاندې کولو مرستيال وحید الله مجروح نن په يوه خبري ناسته کې وويل چې په تېرو ۲۴ ساعتونو کې بېلابېلو ولایتونو کې د کورونا ویروس ۱۷۱ تازه پېښې ثبت شوي چې ټول هېواد کې په کورونا ناروغۍ د اخته کسانو شمېر ۳۵۶۳ ته ورسېد.
له دغو ۱۷۱ تازه پېښو ۴۵ هرات، ۳۴ کابل، ۱۶ کندهار، ۱۸ پکتیا، ۱۰ غزني، ۱۵ بادغیس، ۱۳ بامیان، ۹ میدانوردک، ۳ پنجشېر، ۳ بدخشان، ۲ لوګر، ۲ زابل، ۱ پېښه په خوست ولایت کې ثبت شوې ده.
افغانستان کې تېرو ۲۴ ساعتونو کې د کورونا ویروس له کبله ۲ کسان مړه شوي او ۸ بېرته روغ شوي چې له دې سره د ټولو مړو شويو شمېر ۱۰۶ او د بېرته رغېدلو هم ۴۶۸ ته پورته شو.
د عامې روغتیا وزارت مسوولان وايي، هېواد کې کورونا ویروس په چټکۍ سره د خپرېدو په حال کی دی او خلک باید په دې اړه وقایوي تدابیر جدي مراعت کړي.
