رمضان هییت عرفهسیده هییت‌لیک میوه‌لر نرخی کوتیلمه‌گن درجه‌ده آشگن
هییت‌لیک میوه آلیش اوچون شهرگه کیلگن بیر قنچه کابل‌لیک‌لر قوریق و هول میوه نرخی کوتیلمه‌گن درجه‌ده آشگن‌لیگی باره‌سیده شکایت قیلیب ایتیشلریچه، بیر کیلو ینگاغ، بادام و پسته 750 افغانی، بیر کیلو مه‌یز 150 فغنی دن 300، بیر کیلو نخود 220 افغانی، بیر کیلو سمیان 100 دن 160 افغانی و بیر کیلو خرما ایسه 800 گه کوتاریلگن.
پایتخت‌لیک‌لر، قوریق میوه‌لرنینگ نرخی آشگن‌لیگی سبب مناسب شکل‌ده هییت‌لیک میوه تیارلش امکانیتی‌گه ایگه ایمس لیگین‌ی بیلدیرگن‌لر.
اولر دولت و ملی سوداگرلردن هییت عرفهسیده ییگولیک آذیق آوقت نرخی‌نی کوتارمس‌لیک‌لرینی سوره‌گن‌لر.
صناعت و تجارت اتاغی‌نینگ مسوول‌لری، ییگولیک آذیق آوقت نرخی‌نینگ یوقاری کوتاریلیشی‌نینگ اصلی سبب اهالی ایسته‌گی آشگن لیگی و بزارگه کم کیلتیریشی باعث دیگن‌لر.
تجارت اتاغی‌نینگ اورین باسری خان‌جان الکوزی، ییگلولیک آذیق آوقت نرخی فقط چَکَنه ساته دیگن دکانلرده آشگن دیدی.
اونینگ ایتیشیچه، دالر نرخی‌نینگ یوقاری کیتیشی میوه‌لر بهاسی یوقاری کیتیشی اوچون تاثیری یوق. چونکه میوه نی آلدی ساتدی‌سی افغانی پول حسابگه معمله بوله‌دی.
