هندي ۱۹ کلن لوبغاړي د نړۍ اتلان او ميليونران شول

دغې لوبډلې نن د ۱۹ کلنو په ۱۲ پړاو نړیوال جام سياليو پاى لوبه کې اسټرالیا لوبډلې ته په ۸ وېکټو ماتې ورکړه او د څلورم ځل له‌پاره يې اتلولي وګټله.

منجوت کارلا په سليزه غوره لوبغاړى اعلان شو. د سږکال په نړيوال جام سياليو کې ټولټال ريکارډ ۲۵ سليزې جوړې شوې چې د افغانستان له‌خوا هېڅ لوبغاړي سليزه جوړه نه کړه.

د اتلولۍ جام په ګټلو هندي روزونکي راهول ډراويډ ته ۵۰ لکه هندۍ کلدارې او لوبغاړو او ورسره رسمي ډلې ته ۲ ميليونه هندۍ کلدارې جايزه اعلان شوه.

هندوستان وړاندې په ۲۰۰۰، ۲۰۰۸ او ۲۰۱۰ کلونو کې هم دغه اتلولي ګټلې وه. پاى لوبه کې اسټراليا ۲۱۶ منډې کړې وې چې هندوستان د ۲ لوبغاړو په سوځېدو پوره کړې.

په سږکال نړیوال جام کې افغان لوبډلې هم د ۵ ځل له‌پاره لوبې وکړې چې ترټولو لوړ ۴ مقام يې د ګډون کوونکیو ۱۶ لوبډلو په کتار کې وګټلو.