بوگون "سه‌شنبه" نمایندهلر کینگشینینگ بیرینچی اروین باسری همایون همایوننینگ خوست ده بیر خبری ییغین آرقه‌لی ایتیشیچه، اوز آدملرینی خوست اونملی کرسیلریگه استخدام ایتیلیشی خصوصیده جمهور رییس بیلن کیلیشگن.
جناب همایوننینگ ایتیشیچه، خوست حاکمی، پولیس قومندانلیگی، ملی خوفسیزلیک ریاستی و خوست بلدیهسینی جمهور رییس دن ایستگن و جمهور رییس غنی هم اوشبو پشنهادنی قبول قیلگن.
نمایندهلر کینگشی اورین باسرینینگ ایتیشیچه، جمهور رییس غنی وعدهلریگه عمل قیلمهگنی سبب افغانستان کته ملی ایتلافیگه سهم آلگن.
جناب همایوننینگ آگاهلنتیریب ایتیشیچه، ایستکلری جمهور رییس غنی تامانیدن عملی بولمهگن صورتده، جمهورلیک ریاستی سیلاویده جناب غنی گه قرشی توختهیدی.
بیراق قطار سیاسی ایش بیلرمانلر و خوست یشاوچیلرینینگ ایتیشیچه، جناب همایون و جمهور رییسنینگ کیلیشووی بیر معامله دیر.
سیاسی ایش بیلرمانلردن بیری گل عباسنینگ سلاموطندارگه ایتیشیچه، نمایندهلر کینگشی بودجه و قانوننی تصویب قیلهدیگن بیر جای و اوشبو کینگش اعضالرینینگ معامله قیلیشی ناتوغری دیر.
بیرقطار گزارشلرگه کوره، جمهور رییس غنی کیلسی جمهورلیک ریاستی سیلاوی اوچون قطار سیاسی قرشیلرینی راضی قیلیش اوچون سعی و حرکت قیلماقده.
بوتوغریده جمهورلیک ریاستینینگ فکرینی آلیش اوچون سعی و حرکت قیلدیک؛ بیراق موفق بولمهدیک.
