هلمند ولایتی نینگ یشاوچیلری، قوم بویوکلری و مدنی فعاللری، ایکی کیچه آلدین موسی قلعه تومنیده امنیتی کوچلر تامانیدن اویوشتیریلگن عملیات نتیجهسیده تینچ اهالی قربان بولگنی خصوصیده، ناراضیلیک بیلدیریشگن.
اعتراضچیلر تینچ اهالی قربانلری نینگ آلدی آلینیش شعارلرینی کوتریب حکومت و طالبان گروهی دن تینچ اهالی نینگ اولدیریشدن قول تارتیشلرینی سورهگن.
مذکور اعتراضچیلر حکومت دن بو واقعهنی جدی شکلده تیکشیریب و عامللرینی قانون گه تاپشیریشی نی طلب قیلیشگن.
ایکی کیچه آلدین، موسی قلعه تومنی نینگ شواروز و کونجک منطقهلریده خاص امنیتی کوچلر تامانیدن طالبان گروهی گه قرشی عملیات اوتکزیلگن.
خوفسیزلیک رسمیلری، بو عملیاتده تینچ اهالی قربانلیگی نینگ رد قیلمهیدیلر، بیراق ایتیشلریچه، بو عملیاتده ناقانونی قوراللی کیشیلردن بیرقطاری هلاک ایتیلگن.
عین حالده، محل یشاوچیلریدن بیرقطاری نینگ ایتیشیچه، بو عملیاتده 14 تینچ اهالی هلاک و باشقه 9 تهسی یرهلنگن، بیراق هلمند ولایت کینگشی اعضالری نینگ ایتیشیچه، بو واقعهده 40 کیشی هلاک ایتیلگن.
حکومت نینگ ایتیشیچه، بو موضوع تیکشیریلیشی اوچون هلمند ولایتی گه بیر هیأت یوباریلهدی و شونینگدیک، افغانستان ایشلری بوییچه بیرلشگن ملتلر تشکیلاتی نینگ خاص نمایندهسی اوز توییتر صحیفهسیده یازیشیچه، اولر تینچ اهالی قربانلری توغریسیده تدقیقات اوتکزهدی.
