غزنی ولایتینینگ محلی رسمیلرینینگ ایتیشیچه، اوتگن (دوشنبه کیچه) مذکور ولایتنینگ ناوه تومنیده ملا اختر محمد منصور بیلن ملا رسولنینگ جنگریلری بیر- بیراوی بیلن توقنهشگن.
قوراللی طالبلرنینگ سابق رهبری ملا عمرنینگ اولیمی فاش ایتیلگنیدن کیین، اوشبو گروهنینگ قطار اعضالری، بیر ییغین ارا ملا اختر محمد منصورنینگ، اونی اورنیگه تعیین قیلگن ایدیلر؛ بیراق مذکور گروه اعضالریدن باشقه بیرقطاری، ملا اختر محمد منصورنینگ «امیر» صفتیده تعیین ایتیلیشیگه قرشیلیک کورستگن.
اوشبو گروهنینگ ییریک اعضالری اورتهسیده قرهمه قرشیلیکلر اوج آلگنی باعث، ملا رسول رهبرلیگیده ینگی گروه اورتهگه کیلدی.
غزنی ولایتینینگ پولیس قومندانی محمدامین امرخیلنینگ ایتیشیچه، اوشبو توقنهشوو ملا رسول گروهی تامانیدن ملا منصور گروهیگه قرشی جهاد اعلام بولگنیدن کیین باشلنگن. اونگه کوره، ملا رسول گروهی ملا منصور گروهینی پاکستان استخبارات تشکیلاتی (آیاسآی) دن پول، حربی جهاز و بویروغ آلیشگه عیبلهگن و انه شو سبب، اولر مذکور گروهگه قرشی جهاد اعلام قیلگن.
شونینگدیک، ملا منصور رهبرلیگی خصوصیده اوتکزیلگن ییغین هم پاکستاننینگ کویته شهریده یولگه قوییلگن ایدی.
غزنی ولایتینینگ والیسی محمدامان حمیمینینگ ایتیشیچه، ایسلنگن توقنهشووده ایکی تاماندن حاضرگچه 27 جنگری هلاک بولگن. اونگه کوره، غزنی طالبلرینینگ قومندانلریدن بیری «ملا شمس» هلاک بولگنلر ایچیده کورینهدی.
شونینگدیک جناب حمیمینینگ ایتیشیچه، اوشبو توقنهشووده قوراللی طالبلرنینگ بیر مرکزی نابود ایتیلگن و حاضرگچه بو مرکز قیسی بیر گروهگه تیگیشلی بولگنی بیللی ایمس.
