د هلمند د والي وياند عمر ځواک وايي, نن سهار څه باندې لس بجې د موسی کلا ولسوالي په روشن ټاور سيمه کې د ملکي وګړيو پر موټر ماين چاودېدلی چې له کبله يې ۸ کسان وژل شوي دي.
ځواک وايي, تر اوسه مالومه نه ده چې په دې پېښه کې ښځې او ماشومان هم شامل دي او کنه.
د ځواک په خبره, ياده سيمه د وسله والو طالبانو په ولکه کې ده او د طالبانو له لوري خښ شوي ماين پرې چاودنه کړې ده.
وسله والو طالبانو تر اوسه د دې پېښې په اړه څه نه دي ويلي.
