هلمند مرکزی و تومنلریده فعالیت قیلهدیگن ساغلیک مرکزلرنینگ مسووللری و ایشلاوچیلر حقوق آلمهگنلری باعث، 78 ساغلیک مرکزنینگ دروازهلرینی باغلهگنلر.
اوشبو مرکزلرنینگ مسووللری هلمند مرکزی لشکرگاه شهریده ایش اعتصابیگه قول اورگنلر. اولرنینگ سلاموطندارگه ایتیشیچه، حقوقلری زمانیگه توللنمهیدی و 5 آیدن بویان معاش آلمهگنلر.
مذکور 78 ساغلیک مرکزی «برک» نهادی تامانیدن تمویل ایتیلهدی و اوشبو مرکزلرنینگ ایشلاوچیلرینی سانی 1100 کیشیگه ییتیشهدی.
اولرنینگ ایتیشیچه، بو قیینچیلیکنی ساغلیق ریاستی، تمویل قیلهدیگن نهاد و ولایت مقامی بیلن شریک قیلگنلر، بیراق حاضرگهقدر ایجابی جواب بیریلمهگن.
بوتوغریده «برک» نهادی مسووللری نینگ فکرینی آلیش اوچون سعی و حرکت قیلدیک، بیراق اوشبو نهاد مسووللری صحبت قیلیشنی ایستمهدیلر.
عینحالده، هلمند ولایتی بوییچه ساغلیقنی سقلش ریاستی باشلیغی عبدالاحد حازم نینگ ایتیشیچه، «برک» نهاد نینگ مسووللری اعتصاب قیلگن ایشلاوچیلر بیلن صحبت قیلگن و اوشبو قیینچیلیکلرنی حل قیلیش اوچون سعی و حرکتلرنی دومی بار.
ایتیلیشیچه، مذکور ساغلیق مرکزلر نینگ فعالیتی توختهتیلگن صورتده، هلمند یشاوچیلریدن مینگلرچهسی ساغلیک خذمتلردن محروم قالهدیلر.
