سلام‌وطندار تامانیدن قولگه کیریتیلگن حجت‌لرگه کوره، هلمند ولایتی اجتماعی ایشلر، شهید و ناگرانلر ریاستی باشلیغی، شهید و ناگرانلرگه تیگیشلی جعل کارتلردن ایش آلیب، کوپینچه پول‌نی اوز کیسه‌سیگه اورگن. ایتیلیشیچه، هلمند ولایتی اجتماعی ایشلر ریاستی باشلیغی محمدنادر وطنوال، جعل کارتلرنی رویخطگه آلیب، 200 دن آرتیق کیشی‌نینگ آتی فایده‌لنگن.
شونینگ‌دیک ایتیلیشیچه، اوشبو اداره ایشچیلریدن بیری «علی‌جمعه» یالغیزلیک‌ده 50 جعل کارت‌دن فایده‌لنیب و اوشبو کارتلر آیلیگینی اوز حساباتیده توپله‌گن.
هلمند ولایتی‌ده ایچکی ایشلر وزیرلیگی 350 استخباراتی ریاست محلی رسمی‌لری‌نینگ قولگه کیریتکن حجت‌لریگه کوره، میلیونلرچه افغانی مذکور ولایت خیالی شهید و ناگرانلری تامانیدن، اوشبو ولایت اجتماعی ایشلر، شهید و ناگرانلر ریاستی بیرقطار ایشچیلری‌نینگ شخصی حسابات‌لریگه توکیله‌دی.
استخبارات ریاستی محلی مسؤولی عبدالظاهرنینگ سلام‌وطندارگه ایتیشیچه، هلمند ولایتی اجتماعی ایشلر ریاستی ایشچیلریدن 4 ته‌سینی مالی فسادگه عیب‌لب توتقونگه آلگن. اوشبو تورت کیشی نیچه ییل‌دن بویان، شهید و ناگرانلر آتی‌گه میلیونلرچه افغانی‌نی اوز اورته‌لریده تقسیم قیلگن. اونگه کوره، اوشبو مالی فسادگه ریاست باشلیغی هم قول اورگن.
هلمند ولایتی اجتماعی ایشلر ریاستی‌ده مالی فساد رواجلنگنی باعث، مذکور ولایت یشاوچیلریدن کوپینچه‌سی بیر امضا اوچون آی‌لر بوییچه ریاست ایشیگی آرقه‌سیده قالگن. «نثار احمد» و «بس بی‌بی» شهید و ناگرانلر عایله‌سیگه تیگیشلی یاردملرنی قولگه کیریتیش اوچون، تورت ییل‌دن بویان اوشبو ریاست‌گه کیلیب کیته‌دیلر؛ دیمک حجت‌لری بوتونله‌ی یکونلگن، بیراق رسمی‌لر تامانیدن تصدیق‌لنیب و امضاء‌لنیشی خصوصیده، سرگردان بولیب یورگن‌لر.
بیراق، هلمند ولایتی اجتماعی ایشلر ریاستی باشلیغی محمدنادر و طنوال، بو سوزلرنی اساس‌سیز و اوزیگه قرشی دسیسه بیلیب، عکسینچه اوشبو ریاست‌گه حضور کیلتیرگنی‌دن کیین، اداری فساد یوقالگنینی تیلگه آلگن.
جناب وطنوال، هلمند استخبارات ریاستی تامانیدن بولگن ادعالرنی رد ایتیب ایتیشیچه، تیزلیک‌ده بیر تیکشیرووچی هیأت قضیه‌نی آچیق‌لش اوچون هلمند کیله دی و بو قضیه‌دن خلق‌نی آگاه‌لنتیره‌دی. جناب وطنوال‌نینگ ایتیشیچه، 7 مینگ‌دن آرتیق شهید و ناگران اوشبو ریاست‌ده رویخطگه آلینگن و بولردن یریمی‌نینگ عایله‌سی آیلیک‌لرینی قولگه کیریته‌دی.
بوندن آلدین، اجتماعی ایشلر وزیری نسرین اوریاخیل، سلام‌وطندار بیلن اوتکزگن خاص صحبتیده ایتیشیچه، اوشبو وزیرلیک 50 مینگ خیالی ناگران‌نی تانیگنی‌دن کیین، ایکی کارت‌دن ایش آله‌دیگن 600 ناگران‌نی تانیب و اولرنی محکمه‌گه تانیشتیرگن.
حاضرگچه، افغانستان‌ده شهیدلر عایله‌لری و ناگرانلردن توغری رقم قولگه کیریتیلمه‌گن؛ بیراق خانم اوریاخیل‌گه کوره، افغانستان نفوسی‌دن 2.7 فایزی ناگران دیر. اوشبو وزیرلیک، تیزلیک‌ده شهیدلر عایله‌لری و ناگرانلر خصوصیده بولگن توغری رقم معلوم قیلینیشی‌نی ایتکن ایدی.
