هلمند ولایتیده انسا حق و حقوقلری کمیسیون مسوول‌لریگه کوره، هلمند ولایتیده اوتگن ییتی آی جریانی‌ده قوراللی طالب‌لر بیلن افغان ملی کوچلری اورته‌سیده یوز بیرگن اوروش جریانی‌ده 500 تینچ اهالی قربان بولگن . 234 نفر تن جراحتی آلگن.
مذکور کمیسیون‌نینگ ساحه‌وی رییسی محمدبلال بوگون بیر خبری ییغین‌ده ایتیشیچه، مذکور رقم ایسه 11 آی جریانی‌ده آشگن. جناب صدیقی‌نینگ سوزلری‌گه قره‌گنده، تینچ اهالی تلفاتی‌نینگ اساسی عاملی طالب‌لر دیر. شونینگدیک صدیقی، قربان لرنینگ کته قسمینی باله‌لر تشکیل ایته‌دی دیگن.
شونینگدیک بشر حقلری بوییچه کمیسیون نینگ ساحه‌وی مسووللی اخیرگی وقت‌لرده مذکور ولایت‌نینگ مرکزیده یوز بیرگن اوروش لر عاقبتی‌ده 1500 خانه‌دان اوز یشش اوی جایلرینی ترک قیلگن دیگن. حسابات‌لرگه کوره، اوتگن بیر ییل‌ده هلمند ولایتی نینگ 20 مینگ خانه‌دانی تورلی قیین‌چلیکلر سبب اوز یشش جایلرینی ترک قیلیب، بشاقه جایلرگه آوار بولگلن‌لر.
هلمند، دایم دولت حربی‌لری بیلن قوراللی طالب‌لر اورته‌سیده یوز بیرگن اوروش میدانی بولگن، لیکن، مذکور اوروش‌لر سونگی اوچ آیدن بیری باباجی، موسی قلعه و سنگین ولسواللیک‌لریده دایمی شکلده دوام ایتیب کیلماقده.
عین حالده، بوندن نیچه وقت آلدین افغانستان‌ده خلق ارا کوچلری‌نینگ حربی قوماندانی اوشبو ولایت امنیتی قیته تیکلیشینی اوچون لازم درجه‌ده حربی عملیات اوتکزیلیشی‌نی بیلدیرگن ایدی. شونینگدیک کمپل یوقاری بیر مرتبه لی هیات رهبرلیگی‌ده مذکور ولایت‌گه هم سفر قیلگن ایدی. ایتیلیشیچه، هنوز ولایت‌نینگ تورلی منطقه‌لریده تازه‌لش حربی عملیات دوام ایتماقده.
