د نوي کال له پیل سره د هلمند په ځېنو ولسوالیو کې د افغان ځواکونو او وسلهوالو طالبانو ترمنځ درنې نښتې شوېدي چې دواړه لوري یو بل ته د درنې مرګژوبلو اړولو ادعا کوي.
د هلمند د والي ویاند عمر ځواک وايي، د دې ولایت په سنګین، نادعلي او ګرشک ولسوالیو په ځېنو سیمو کې يې د عملیاتو پرمهال تر ۲۵ وسلهوال طالبان وژلي او لسګونه نور يې ټپیان دي.
د هلمند والي ویاند دولتي ځواکونو ته هم اوښتې مرګژوبله مني او زیاتوي، د دوه اوونیو په جریان کې ۱۹ افغان سرتېري وژل شوي او ۲۲ تنه ټپيان دي.
خو بلېخوا د وسلهوالو طالبانو ویاند قاري یوسفاحمدي رسنیو ته په لېږل شوې خبرپاڼې کې ادعا کړې چې د هلمند په سنګین ولسوالۍ کې یې تر ۵۰ ډېرو دولتي ځواکونو ته يې مرګژوبله اړولې او د دې ترڅنګ يې په مارجې ولسوالۍ کې هم بریدونه کړي چې څه باندې ۳۰ افغان سرتېرو ته پهکې مرګژوبله اوښتې؛ خو د هلمند د والي ویاند بیا د دا ادعا ردوي.
د هلمند والي ویاند عمرځواک وايي، د دې ولایت په ډېرو سیمو کې عملیات روان دي او ډېرې سیمې به بېرته د دولت تر حاکمیت لاندې راشي.
ځواک زیاته کړه په هلمند کې به د ترتیب شويو پلانونو پر اساس عملیات روان وي او د هوايي ځواک په مرسته به د طالبانو پر ځېنو سیمو هوايي بریدونه هم وشي.
ورته مطالب:
شاوخوا ۴۰۰امنیتي ځواکونه د طالبانو په محاصره کې دي
