.jpg)
هلمند ولایتیده اوروش‌لردن زیان کورگن بیرقطار عایله‌لر اوروش نینگ یکونله‌نیشی‌نی ایسته‌ب و تینچلیک لایحه برابریده بولگن چیگل‌لیکلردن خواطر بیلدیرگن‌لر.
اوشبو عایله‌لر هلمند ولایتی نینگ ناوه تومنی "عینک" منطقهسیده، تیریک‌چیلیک قیله‌دیلر. اولرنینگ ایتیشیچه، اوتگن نیچه ییل جریانیده عایله اعضالری و بوتون بارلیک‌لرینی اوروش‌لر نتیجه‌سیده قولدن بیرگنلر، بیراق مملکتده تینچلیک تامین ایتیلیشیدن امیدوار دیرلر.
عینک قیشلاغی یشاوچی‌لریدن بیری محمدقاسم نینگ ایتیشیچه، بو منطقه یشاوچی‌لری باشقه‌لردن کوره کوپراغ زیان کورگن و کوپ قطار قیین‌چیلیک‌لرنی تحمل قیلگنلر و دوامی بولگن اوروش‌لر بوتون بارلیک‌لرینی نابود قیلگن.
اوشبو قیشلاق یشاوچی‌لریدن باشقه بیری رحیم‌الله نینگ ایتیشیچه، حاضرگه‌قدر تخریب بولگن اوی‌لرینی قیته‌دن قوریش‌گه موفق بولمه‌گنلر و مملکتده دایمی تینچلیک تامین ایتیلیش اولرنینگ اساسی ایستک‌لریدن دیر.
.jpg)
ناوه تومنی نینگ عینک منطقه‌سی یشاوچی‌لریدن کوپ قطاری عایله اعضالرینی اوروش‌لر نتیجه‌سیده قولدن بیرگن، بیراق کیله‌جک‌لرده تینچلیک تامین ایتیلیشیدن امیدوار دیرلر.
بو قیشلاق یشاوچی‌لریدن بیری محمدنبی نینگ ایتیشیچه، تینچلیک سوزلشوولر باشلنگنیدن خرسند ایدی‌لر، بیراق مذکور سوزلشوولرنینگ لغو ایتیلیشی اولرنی خواطرگه سالگن.
عینک قیشلاقی یشاوچی‌لری نینگ ایتیشیچه، افغانستانده جریانی بولگن 40 ییل‌لیک اوروش بوتون عایله‌لردن قربانلیک آلگن و حاضرده اوروش‌نی یکونلنتیریش زمانی کیلگن.
