.JPG)
بوگون (دوشنبه) ایرتهلب ساعت 3 اطرفیده طالبلر، تورت تاماندن قندوز شهری اوستیگه هجوم قیلگن. 808 سپین زر زونینینگ سوزلاوچیسی محبوبالله اکبرینینگ ایتیشیچه، اوشبو گروه قندوز شهرینینگ جنوبی سهدرک، غربی زاخیل قیشلاغی، شرقی چرخاب و جنوبشرقی ناصریلر قیشلاغیدن قندوزگه هجوم قیلگن.
شونینگدیک، محل یشاوچیلرینینگ ایتیشیچه، طالبلر دستلب سهدرک منطقهسیدن قندوز- بغلان قتناو یولیگه هجوم قیلگنلر. یشاوچیلرگه کوره، طالبلر شهرنینگ غرب تامانیدن کوتهگرد منطقهسیگه ییتیشگن و اوشبو منطقهده قتیق اوروش دوام ایتماقده.
قندوز حاکمی سوزلاوچیسی سیدمحمود دانشنینگ ایتیشیچه، طالبلر سهدرک منطقهسیدن یوقاری اهالی اویلریده جایلشگن، بیراق امنیتی کوچلر، منطقهگه ییتیشگنلر و طالبلر مغلوبیتگه اوچرهشگنلر.
.jpg)
مذکور ولایتنینگ ولایتی کینگشی اعضاسی امرالدین ولینینگ ایتیشیچه، شو حاضر قندوز حوزهوی کسلخانهسی، چرخاب، زرخرید و پولیس اوچینچی حوزهسیگه تیگیشلی منطقهلرده امنیتی کوچلر و طالبلرنینگ آرهسیده قتیق اوروش دوام ایتماقده. جناب ولینینگ ایتیشیچه، حاضرگهقدر، شهرده چمهسی 10 کوچلی پارتلش سیسی ایشیتیلگن.
شونینگدیک، طالبلر تامانیدن میدیالرگه یوباریلگن خبرنامهده ایتیلیشیچه، اوشبو هجوم عمری عملیاتگه شامل بولهدی. مذکور گروهنینگ ادعا قیلیشیچه، حاضرگهقدر 4 امنیتی قرارگاهنی نظارتگه آلگنلر.
اوشبو آتیشمهلر قربانلیگی توغریسیده معلومات بیریلمهگن.
