بوندن نیچه وقت آلدین ملی مجلس، نماینده لر مجلسی نینگ قطار اعضالری دایمی حاضر ایمس لیکلریدن جدی مشکل گه روپه ره ایدی. لیکن، مجلس سابقه‌سی بولمه‌گن بیر تدبیری اساسیده نماینده‌لر مجلسی نینگ ایچکی اصل و ایش لایحه‌سیدن نیچه ماده کوچگه کیریتیش بیلن، مجلس نینگ بیر قطار اعضالری دایمی کیلمس‌لیک‌که عیب‌له‌نیب ایشیدن آلیندی.
چهار شنبه کونی مجلس نینگ عمومی ییغینی‌ده سوزله‌گن نماینده‌لر مجلسی نینگ اعضالری، ملی مجلس نینگ ایچکی اصل و ایش لایحه‌سی کوچگه کیریتیلیشی نماینده‌لر مجلس اعضالرینی دایم ییغین‌ده حاضر بولیش‌گه مجبور قیله‌دی دییه تاکید ایتگنلر.
ملی مجلس نینگ کاتبی عبدالقادر زازی وطندوست، بوندن کیین مجلس نینگ ایچکی اصل وایش لایحه‌سی نینگ 125 – ماده‌سی مجلس نینگ هر بیر اعضاسی اوستیده بوتونله‌ی عملی ایتیلیشی باره‌سیده اورغوله‌گن.
نماینده‌لر مجلسی نینگ هر بیر اعضاسی اداری هیات‌نی جریانگه قویمسدن 7 کون مجلس‌گه کیلمه‌گن تقدیریده، آیلیگی کمه‌یتیریلیشی‌دن علاوه اونینگ اسمی مطبوعات‌گه فاش قیلینه‌دی دیگن جناب زازی وطندوست.
شونینگدیک مجلس نینگ ینه بیر قطار اعضالری، ملی مجلس نینگ ایچکی اصل و ایش لایحه‌سی بوتونله‌ی کوچگه کیریتیلیشی اوستیده تاکید ایتگنلر.
پارلمان نینگ اعضاسی موسا نصرت، مجلس نینگ ایچکی اصل و ایش لایحه‌سی عمل‌د‌ه تطبیق بولیشی بیلن بیرگه نماینده‌لرنینگ غیر حاضرلیک قیلیش آلدینی آلگن دیدی.
بوندن آلدین نماینده‌لر مجلسی نینگ بوتوکل اعضالری حاضر بولمس لیگی سبب مجلس‌ده محاکمه گه آلینگن مهم مساله‌لر باره‌سیده سونگی قرار قبول قیلینمس‌دن ییغین اوز پایانیگه ییتردی. بو مساله قطار مهم مساله‌لر حل بولیشی بیر ییغین‌دن ینه بیر ییغین‌گه قالدیریلیشی‌گه باعث بولگن.
