د هرات د کرنې ریاست مسوولان وايي چې د زعفرانو د کیفیتکنټرول لابراتوار له پرانیستنې سره به لومړی په لابراتوار کې د ټولو شرکتونو د زعفرانو کیفیت ازمایل کېږي او وروسته له هغه به یې د پلور او صادرولو اجازه ورکول کېږي.
د هرات د کرنې ریاست د ترویج عمومي مدیر بشیر احمداحمدي وايي، پهدې لابراتوار کې د زعفرانو د کیفیت پر معلومولو ۱۸ میکروبیلوژيکي او کیمیاوي ازمایښتونه کېږي.
ښاغلي احمدي زیاته کړه چې دغه لابراتوار د څه باندې ۵۰ زرو امریکايي ډالرو په ارزښت د کرنې وزارت له بودیجې جوړېږي.
د هرات د کرنې ترویج عمومي مدیر همداراز وویل چې دا لابراتوار د کیفیت ازمایښت ترڅنګ په کروندو کې د زعفرانو ناروغي او افات هم تشخیصوي.
په ورته وخت کې د هرات والي اصفرحیمي وايي چې د دې لابراتور له پرانیستنې سره به د دې ترڅنګ چې د ځېنو هېوادو لهخوا د افغانستان زعفرانو ناوړې ګټې اخیستنې مخه ونیول شي؛ د افغانستان د زعفرانو د کیفیت په اړه به د نړۍ د بازار باور هم زیات شي.
د هرات د والي په وینا، د دې لهپاره چې د افغانستان زعفران له محصول پرته چین ته صادرېږي؛ ځېنې هېوادونه هڅه کوي چې خپل زعفران د افغانستان له لارې نورو هېوادو ته صادر کړي.
هرات کې داسې مهال د افغانستان د زعفرانو کیفیتکنټرول لابراتوار پرانیستل کېږي چې د سلام وطندار د راپور پر بنسټ سږکال د هرات زعفرانو بیه د تېرهغه په پرتله ۵۰ سلنه راټیټه شوېده.
لهدې ټولو سره ـ سره د هرات د کرنې ریاست مسوولان وايي چې سږ هغه پهدې ولایت کې د زعفرانو تولید د تېرکال په پرتله ۳،۵ ټنه زیات شویدی.
