هرات حاکمی سوزلاوچیسی جیلانی فرهادنینگ ایتیشیچه، اوتگن کیچه مذکور ولایت نینگ اوبه تومنیده محلی پولیس کوچلری نینگ بیر قرارگاهی گه بیر کیشی مهمان صفتیده کیریب 5 محلی پولیس نی آتیب تشلهگن.
جناب فرهادگه کوره، اوشبو واقعه اوتگن کیچه اوبه تومنی نینگ شرقی بولیمیده جایلشگن «جینیوا» آتلی محلی پولیس قرارگاهیده یوز بیرگن.
آتی فاش ایتیلیشینی ایستمهگن امنیتی بیر منبع نینگ سلاموطندارگه ایتیشیچه، نیچه وقت دن بویان طالبان گروهی نینگ نفوذی بیر آدمی «جینیوا» آتلی محلی پولیس قرارگاهی نینگ قومندانی بیلن دوست بولگن و اوتگن کیچه مذکوره قرارگاه قومندانی اونی مهمان قیلگن ایکن.
منبع گه کوره، بو قرارگاه ده 10 دن آرتیق امنیتی عسکر وظیفه قیلردی و بو قرارگاه عسکرلریدن نیچه تهسی گیزمه اوچون تشقری چیققن چاغیده، مهمان کیشی قرارگاه کوچلری نینگ قورالی نی آلیب قومندان شامل 5 کیشی نی آتیب تشلهگن.
منبع نینگ کوپهیتیریشیچه، بو واقعه ده باشقه ایکی محلی پولیس یرهلنگن.
منبع تامانیدن بیریلگن معلومات اساسیده، طالبان گروهی نینگ نفوذی آدمی غور ولایتیدن ایکن و بو واقعه دن سونگ، محل دن قاچیب کیتگن.
طالبان گروهی حاضرگچه بو توغریده هیچ نرسه دیمهگن.
شو توغریده…
