هرات ولایتی محلی رسمیلرنینگ ایتیشیچه، مذکور ولایت کرخ تومنی یولیده طالبلرنینگ پیسترمهسیگه روپه ره بولگن 11 عسکر هلاک اولدیریلگن.
مذکور ولایتی رسمیلریگه کوره، افغان ملی کوچلری موتری، اوتکن یکشنبه کونی سبزک یولیده حربی کوچلر کاروانیگه قوشیلیش اوچون باره دیگن بیرچاغده کرخ تومنی مسجد چوبی منطقهسیده قوراللی جنگریلر پیسترمهسیگه دوچ کیلگن.
ایتیلیشیچه، بو واقعهده باشقه 9 عسکرهم یرهلنگن، بیراق هرات والیسینینگ سوزلاووچیسی احسانالله حیات، بو عسکرلرنینگ یرهلنگنلرینی رد ایتهدی.
طالبلر حاضرگه قدر بو واقعه توغریسیده هیچ نرسه دیمه گن.
اوشبو واقعه هرات ولایتی ده اوتکن کون هرات امنیه قوماندانی عبدالمجید روزیگه کوره، طالبلرنینگ باشلیغلری کویته کینگشیده بو گروه نینگ هرات اوچون تعین ایتیلگن والیسیدن، بو ولایتنینگ امنیتی نیمه اوچون یخشی بولگن لیگینی سورهگن بیر پیتده یوز بیرگن.
شونینگدیک هرات امنیه قوماندانی نینگ ایتیشیچه، طالبلر مذکور ولایت امنیتینی قیین چیلیککه دوچ کیلتیریش اوچون سعی و حرکت قیلهدی، انه شو سبب بو ولایتده بیرقطار عصیانچی گروه ییرلشگنلر.
