.jpg)
سونگی کونلرده هرات ولایتیدن بولگن ایکی یاش صراف عبداللطیف و نصیر باشقه بیش کیشی بیلن بیرگه هرات شهری‌نینگ شیدایی منطقه‌سیده بیر باغ دن اوغیرلنگن‌لر و نتیجه‌ده 42 کون تورلی قیناقلیک‌لرنی کوریب 16 میلیون افغانی توللگن‌لریدن سونگ، آدم اوغیرلاوچی‌لرنینگ قولیدن قوییب یوباریلگن‌لر.
مذکور ایکی یاش‌نینگ ایتیشیچه، جانلری‌نینگ خوفسیزلیگی اوچون هیچ‌قنده‌ی امیدلری یوق دیر و اویلریدن چیققن چاغلریده قیتیش شانسی بار و یوقلیگی‌نی بیلمه‌یدیلر.
شوندی بیرحالده، هرات اهالی جمغرمه‌سی و مدنی فعاللردن قطاری مذکور ولایتده قوراللی اوغیرلاوچیلیک و آدم اوغیرلاوچیلری کوپهیگنیدن خواطر بیلدیرگنلر.
هرات اهالی جمغرمه‌سی‌نینگ باشلیغی نثاراحمد مصدق‌نینگ ایتیشیچه، هرات شهری‌نینگ خوفسیزلیک وضعیتی بوتونلی یمان دیر. اونگه کوره، هرات‌نینگ هر بیر یول و جاده‌سی اوغیرلاوچیلیک و اختطاف حادثه‌لریگه گواه بولگن.
.jpg)
مدنی فعاللردن سیداشرف سادات‌نینگ ایتیشیچه، بوندی بیر قضیه‌لر اهالی‌نینگ حیاتی نی بوزگن و بولرنینگ آلدی آلینیشی کیره‌ک.
هرات حاکمی سوزلاوچیسی جیلانی فرهاد اوشبو ولایتده‌گی قیینچیلیکلرنی تَن آله‌دی؛ بیراق مذکور قیینچیلیکلر کینگ بولمه‌گنینی اورغولب و خوفسیزلیک قیینچیلیکلرنی حل ایتیب و آدم اوغیرلاوچیلر قرشی‌سیده کوره‌ش خصوصیده سعی و حرکت‌لرنی دوامی بار دیدی.
شونیگ‌دیک، هرات پولیسی آدم اوغیرلاوچیلیک و قوراللی اوغیرلاوچیلر قرشی‌سیده کوره‌ش خصوصیده کوپینچه سعی و حرکت ایتیشلریدن ایشانچ بیره‌دی.
