هرات ولایتیده ساغلیق‌نی سقلش مسؤوللری، اهالی آره‌سیده ینگی بیر جلدی کسل‌لیک رواجلنگنیدن خبر بیرگن و بو کسل‌لیک یوقوملی ایمس و کورینیشیچه، بو کسل‌لیک «شوره» یا-ده «سلمه» آتلی کوک اوت ییماقدن باشلنه‌دی.
اوشبو کسل‌لیک نشانه‌سی تِری اچینیشی و تیرنش خصوصیات‌لری دیر.
بوگون خبری بیر ییغینده نطق سوزله‌گن هرات حوزه‌یی کسلخانه‌سیده تِری کسل‌لیک متخصصی داکتر بشیراحمد بارکزی‌نینگ ایتیشیچه، اوتگن 15 کونده، 11 ته‌سی بادغیس یشاوچیلری و باشقه 2 ته‌سی کشک کهنه و اوبه تومن‌لری‌نینگ یشاوچیلری بولگن 8 عیال، 3 باله و 1 ایرکک بو کسلخانه‌ده یاتقیزیلگن.
جناب بارکزی اهالی‌دن اوشبو کسل‌لیک و نامعلوم نتیجه‌لری بیللی بولگونگه‌قدر «شوره» آتلی کوک اوت دن فایده‌لنمس‌لرینی سوره‌دی.
باشقه تاماندن، هرات ولایتیده ایکینچیلیک اداره‌سی‌نینگ ایتیشیچه، حاضرگچه اولرگه کوک اوت یا-ده گیاه آرقه‌لی کسل‌لیک رواجلنگنیدن گزارش قولگه کیریتمه‌گن‌لر، شو یوزه‌دن اونینگ نتیجه‌سی و نشانه‌لری دقیق شکلده تیکشیریلگنیدن سونگ، بیللی بولیشی ممکن.
