هرات پولیس سوزلاوچیسی عبدالاحد ولی‌زاده‌نینگ ایتیشیچه، اوتگن کون توشدن آلدین ساعت 11 اطرافیده مذکور ولایت‌نینگ انجیل تومنی کارته گل‌خانه منطقه‌سیده، 42 یاشر بیر عیال‌نینگ باشی تورموش اورتاغی تامانیدن کیسیلگن.
جناب ولی‌زاده‌نینگ کوپه‌یتیریشیچه، مذکور عیال‌نینگ تورموش اورتاغی مخدره ماده‌گه چالینگن ایکن و بو واقعه‌دن سونگ، محل‌دن قاچیب کیتگن.
ولی‌زاده‌گه کوره، واقعه عاملی قولگه آلینیشی توغریسیده پولیس کوچلری تیرگاو باشله‌گن، بیراق قتل سببی حاضرگچه معلوم بولمه‌گن.
شونینگ‌دیک، اوچ کون آلدین، هرات شهری‌نینگ کرباس منطقه‌سیده باشقه بیر کیشی تورموش اورتاغی‌نی آتیب اولدیرگن ایدی.
