h.jpg)
افغانستان حکومت بلند مرتبه‌لی رسمی‌لری نینگ ایتیشیچه، طالبلر پاکستان‌لیک حربی‌لر بیلن هرات شیندند تومنیده امنیتی کوچلر برابریده اوروشه‌دی.
اوروش، ملارسول گروهیدن بولگن ملا ننگیالی و ملااخترمنصور گروهیدن بولگن ملاصمدلر اورته سیده بولیب اوتگن قرمه قرشی‌لیکلر باعث شیندند تومنیده باشله‌نیشی بیلن امنیتی کوچلر یوکسک عملیاتنی منطقه‌ده یولگه قویلگن.
عملیات نتیجه‌سیده 100 گه یقین جنگری طالب هلاک و 110 ته‌سی هم یره‌لنگن.
ایچکی ایشلر وزیرلیگی نینگ سوزلاوچیسی صدیق صدیقی، هراتده اوتکزیلگن پولیس بیلن اهالی ارا کیلیشوو، یاردم‌لیک و مصلحتی ییغینده اشتراک ایتیب ایتیشیچه، پاکستان حربی‌لری و منطقه‌یی تروریست‌لر شیندند تومنیده قوراللی طالب‌لردن حمایت قیلیب مملکت امنیتی کوچلریگه قرشی اوروشه‌دیلر.
جناب صدیقی‌گه کوره، بوندن بویان شیندند تومنیده مردمی کوچلر واسطه‌سی بیلن پوسته‌لر قوریلیشی نظرده توتیلگن تا حکومت یوتوقلری نابود بولیش خطرلری بیلن روپه‌ره بولیش آلدی آلینسین.
.JPG)
عین حالده، هرات والیسی محمدآصف رحیمی نینگ ایتیشیچه، امنیتی کوچلر طالب‌لرگه آغیر تلفات بیرگن. اونگه کوره، اوتگن نیچه کونده هلمند، فراه ولایت‌لری و پاکستان نینگ کویته شهریدن 1500 جنگری طالب شیندند تومنی‌گه ییغیلیب، بو تومننی تصرگه آلیش اوچون سعی و حرکت قیلگنلر.
هرات ولایتی نینگ شیندند تومنی استراتیژیک منطقه و زمانوی هوایی قونالغه صاحبی بولگنی اوچون کوپلب طالبلر دقتینی اوزیگه تارتگن.
باشقه بیرتاماندن امنیتی رسمی‌لر هم بو ییل جریانیده طالبلر فعالیتی کوپه‌یشیدن خبر بیره‌دی.
ایکی کون آلدین ملی امنیت سرپرستی مسعود اندرابی طالبلر سیاسی و نظامی فعالیت قیلیشگه تلاش قیله‌دی دیگن ایدی.
او نماینده‌لر سوالیگه جواب بیریش پیتیده طالبلر طیبه لشکری، البدر مجاهدلری و جیش محمد گروه‌لری یاردمی بیلن هدف‌گه ایتیشماقده‌لر دیدی.
سونگی کونلرده ایچکی ایشلر وزیرلیگی امنیتی وضعیت یخشی‌لنیشی اوچون ینگی بیرلایحه نظرده توتگن که اونگه کوره، هر بیر پولیس حوزه‌لریده روی بیرگن حادثه مسؤولی مذکور حوزه آمریدن باشلب تا کشفی مسؤوللریگه قدر ایشدن آلینیب تیرگاوگه آلینه‌دی.
حاضرگه قدر ینگی لایحه گه اساسلب 7 امنیتی مسؤول نینگ ایشدن آلگنلر.
