هرات محلی دولت بلند مرتبه‌لی مسوول‌لری، اوشبو ولایت‌نینگ خایانلریده‌گی بلاغت‌گه ییتگمه‌گن گودگ‌لر وضعیت‌یدن تشویش بیلدیریب، حکومت مذکور گودکلر حمایت ایتیلیشی اوچون اساسی لایحه نظرده توتمه‌گن حالده، کیله‌جکده یامان حالت یوزبیریشی کوتیله‌دی دیگن‌لر.
رسملرگه کوره، حاضرگی کونده خیابان‌لرده‌گی گودکلر حتی باله‌لر باغچه‌لریده سقلنه‌دیگن بلاغت‌گه ییتمه‌گن گودک‌لرهم روحی و صحی قیین‌چیلیکلرگه روپه ره بولگن‌لر.
انسان حق و حقوقلری نینگ ساحوی اداره‌سی همده هرات ولایتی و اجتماعی ایشلر بوییچه اداره بوگون (دوشنبه) «خلق ارا گودکلر» کونی مناسبتی بیلن اوتکزیلگن ییغینده چیقیش قیلیب ایتیشلریچه، نابرقرارلیک‌لر آشیشی، اقتصادی قشاقلیک، عایله‌لر همده حکومت مهریدن ییراق قالگن باله‌لر وضعیتی بوندن کوره یامان بولیشی احتمالی موجود.
حسابات‌لرگه کوره، هرات ولایتیده بوندن ایکی ییل آلدین خیابانی گودکلر سانی 7500 کیشی بولگن.
هرات اجتماعی ایشلر بوییچه اداره رییسی بصیره محمدی‌نینگ ایتیشیچه، هنوزگچه خیابانی گودکلر توغریسیده انیق حسابات قولده ایمس؛ لیکن اوشبو ادارهنی یقینده قولگه کیریتگن حساباتیده مذکور قتلم‌نینگ سانی کوزگه کورینرلی درجه‌ده آشگن.
اونینگ ایتیشیچه، باله‌لر باغچه‌سیده سقلنه‌دیگن گودک‌لرنینگ کوپچیلیگی آته – آنه لری مخدر ماده لرگه بیریلگن یا- ده عایله وی قیین‌چلیکلر سبب بیر- بیراولریدن اجرلگن‌لر فرزندلری‌دن عبارت.
باله‌لرنی حمایت قیلیش اوچون حکومت‌نینگ حاضرگی برنامه‌سی ییترلی بولمه‌گن لیگینی ایتگن هرات اجتماعی ایشلر بوییچه اداره بو قتلم حمایت ایتیلیشی اوچون جدی لایحه نظرده توتیلمه‌گن حالده، خیابانی گودکلر معماسی کوپراق بولیشی احتمالی موجود.
خانم محمدی‌گه کوره، مذکور گودکلر اوچون بیرینچی عامل خانه‌دانلری دیر، حکومت برنامه‌سی یالغوز گودکلر ایمس اولرنینگ عایله‌سینی قاپله‌نیشی ضرور.
هرات ولایتیده انسان حق و حقوقلری کمیسیون ساحوی اداره‌سی نینگ مسوولی عبدالعظیم اکید، زوروانلیک بیلن روپه ره بولگن گودکلر توغریسیده انیق معلومات‌لری بولمه‌گنینی ایتیب، اما، جاری ییلده کودک‌لرگه قرشی بیش جنسی تجاوز مذکور اداره‌گه رویخطگه آلینگن دیگن.
خیابانی گودکلر سانی آشگن‌لیگی حقیده خواطر بیلدیرگن جناب اکید، حکومت مذکور قتلم اوچون هیچ قنده‌ی بیر ایش قیلمه‌گن دیگن.
باله‌لر حقوقی بوییچه فعالیت قیله‌دیگن اداره مسوول‌لری‌نینگ سوزلریگه کوره، مذکور ولایت‌نینگ اوزاق حدودلریده جایلشگن ولسوال‌لیکلرده حیات کیچیره‌دیگن گودکلر حیات‌نینگ دستلیکی حقلری جمله‌دن اوقیش، مناسب آوقت و صحی خذمت‌لردن محروم قالگن‌لر .
