خوست یشاوچیلریدن بیرقطارینینگ ایتیشیچه، اوشبو ولایتده پولیس قومندانلیگینینگ چوکیسی بوش بولگنی باعث، سِرلی قتللر و اوغیرلاوچیلیک رقمی کوپهیگن.
اولرگه کوره، خوست خوفسیزلیگی تأمینلنیشی توغریسیده حکومت چاره تدبیر کورمهگن صورتده، وضعیت بوندن کوره یمان بولیشی ممکن.
نیچه وقت آلدین، ناتانیش قوراللی کیشیلر خوست شهریده بی خبرچی، ایکی ملی امنیت ملازمی و بیر فوتبالچینی آتگن.
شونینگدیک، ایکی کون آلدین، خوست شهریده جایلشگن بیر مسجد ده یوز بیرگن پارتلشده 17 کیشی هلاک و باشقه 34 کیشی یرهلنگن.
خوست یشاوچیلریدن بیرقطارینینگ ایتیشیچه، پولیس قومندانی بولمهگنی باعث، اوشبو ولایتنینگ خوفسیزلیک وضعیتی یمان بولماقده.
اولرگه کوره، خوفسیزلیک امنیتی مسؤوللری، سِرلی هجوملرگه توسیق بوله آلمهیدی.
شونینگدیک، خوست پولیس قومندانلیگی سرپرستی عبدالحنان زدران، پولیس قومندانی تانیشتیریلمهگنی باعث، مذکور ولایتده قیینچیلیک کوپهیگنینی تَن آلهدی. بیراق اورغولشیچه، خوست خوفسیزلیگی تأمینلنیشی توغریسیده سعی و حرکتلر دوام ایتماقده.
خوست یشاوچیلرینینگ ایتیشیچه، مذکور ولایتده پولیس قومندانی بولگن چاغیده امنیت یخشی ایدی؛ بیراق مذکور ولایتنینگ پولیس قومندانی ایکی آیدن بویان کابل کیتگنی اوچون خوست نینگ امنیتی وضعیتی یمان بولیب و سِرلی قتللر میزانی آشگن.
