هرات محلی رسمیلری نینگ ایتشیچه، حادثه بوگون ایرته‌لب شهرنینگ 9- ناحیه‌سی عمه سکینه منطقه‌سیده روی بیرگن.
هرات والیسی‌نینگ سوزلاوچیسی جیلانی فرهادنینگ سلام‌وطندارگه ایتیشچه، بوگون ایرته‌لب موترسایکلگه مینیلگن قورالی شخصلر ولایت حربی کسلخانه‌سی ملازملری نینگ موتریگه هجوم قیلیب نتیجه‌ده بیر کیشی جان بیرگن و بیر خانم قوشیمچه باشقه ایکی تینچ اهالی یره کوترگن.
جناب فرهادگه کوره، هجومچی‌لر حادثه ییریدن قاچیش‌گه موفق بولگن.
هرات پولیس سوزلاوچیسی عبدالاحد ولی‌زاده خبرنی تأیید قیلیب حادثه‌ده بیر حربی جان بیرگن و باشقه بیرته‌سی هم یره‌لنگن دیدی.
جناب ولی‌زاده نینگ کوپه‌یتریشیچه، پولیس حادثه عامللرینی قولگه آلیش اوچون تیرگاولرینی باشله‌گن.
ولایت حوزه‌یی کسلخانه‌سی نینگ سوزلاوچیسی محمدرفیق شیرزی نینگ ایتیشیچه، حادثه‌دن بیر یره‌دار اوشبو کسلخانه‌ده کیلتیریلگن و ساغلیق وضعیتی یمان ایتیلگن.
حاضرگه قدر گروه یا کیشی اوشبو حادثه مسولیتینی بوینیگه آلمه‌گن.
