د هرات ولایت د اطلاعاتو او کلتور ریاست چارواکي وايي، د دې ولایت د سیلانیانو صنعت د تېر کال په پرتله ۳۰ زیات شوی دی.
دغه څرګندونې د یوشمېر ولایتو د کلنیو لاس ته راوړنو په موخه کابل کې جوړې شوې غونډه کې وشوې.
د هرات د اطلاعاتو او کلتور رییس اریا روفیان وویل، هرات د تاریخي اثارو او کلتوري سیمو د موجودیت له امله زیاتره وخت د زیاتو کورنیو او بهرینو سیلانیانو کوربه وي.
روفیان وايي، تېر کال ۹ زره او ۵۰۰ تنو سیلانیانو له هرات څخه لیدل کړي وو او روان کال بیا ۱۲ زره کورني او ۳۵۰ بهرني سیلانیانو له دې ولایت ته ورغلي وو.
د نوموړي په خبره، دغه شمېرې ښيي، چې هرات ته سږکال د تېر هغه په پرتله ۳۰ سنله زیات سیلانیان ورغلي دي.
روفیان زیاته کړه، د سیلانیانو لهپاره دلارښوونې د کتاب چاپ او د سیلانیانو د وېب سایټ جوړول د دې لامل شوي، چې په دې ولایت کې د سیلانیانو صنعت وده وکړي.
