هرات ولایتی‌نینگ بلدیه ادارهسینی باشلیغی محمد داوود انوری، فیسبوک ایشلاوچی‌لریدن بیری‌‌نینگ توشونچه‌سی گه عکس‌العمل بیلدیریب یازیشیچه، ملت قوریش اصول و قاعده‌لر اساسیده، خیابان سوزی سوزی اورنی گه سرک سوزی دن فایده‌لنیش کیره‌ک.
شونینگدیک، اونینگ ایتیشیچه، گرچه خیابان سوزی یخشی دیر؛ بیراق افغانستانده ملی کیم‌لیک‌نی معلوم قیلیش اوچون ایرانده رواجلنگن سوزلردن فایده‌لنمس لازم.
هرات بلدیه اداره‌سی باشلیغی‌نینگ بو سوزلری، مدنیتچی‌لر، مدنی فعاللر و اجتماعی ترماق ایشلاوچی‌لری‌نینگ عکس‌العمل‌لریگه روپه‌ره بولدی.
هرات بیلیم یورتی‌نینگ ادبیات فاکولته‌سینی باشلیغی و هرات شهری‌نینگ جاده‌لریگه آت قوییش کمیسیونی‌نینگ سابق اعضاسی عبدالغنی خسروی، بلدیه باشلیغی‌نی معلومات‌سیزلیک‌که عیب‌لب سلام‌وطندارگه ایتیشیچه، هرات شهری‌نینگ چیرایلی منطقه‌لریدن بیری «خیابان» منطقه‌سی ایکن و بو منطقه هجری 9- عصرده هراتی‌لیک چیبر اوستالر آرقه‌لی بیزه‌لگن.
اونینگ کوپه‌یتیریشیچه، خیابان سوزی یالغیز ایران گه تیگیشلی بولمه‌یدی، بلکیم بوتون فارسی تیل‌گه سوزله‌یدیگن‌لرگه تیگیشلی بوله‌دی. اونگه کوره، بو سوزدن تیموری‌لرنینگ دورانی‌ده هرات ده ایش آلینگن.
خسروی‌نینگ علاوه قیلیشیچه، هرات ولایتیده عمومی ییرلر و جاده‌لرگه آت قوییش کمیسیونی، هرات ولایتی‌نینگ بیلیم‌دان کیشی‌لریدن تشکیل ایتیلگن و بو کمیسیون مدنیت و معلومات ریاستی و بلدیه اداره‌سی بیلن بیرگه‌لیک‌ده آی‌لرچه سعی و حرکت‌دن سونگ، مذکور ولایت‌نینگ جاده‌لریگه آت قویگن‌لر.
شونینگدیک، هرات ولایتیده مدنی فعال جواد عمید، بلدیه اداره‌سی باشلیغی‌نینگ بیانات‌لرینی اهالی کیم‌لیگی بیلن اوینه‌ش دیب ایتیشیچه، بونده‌ی بیانات‌لر مذکور ولایت اهالیسی‌نینگ آره‌سیده تارتیشوولرگه سبب بوله‌دی.
اونینگ کوپه‌یتیریشیچه، سوزلرنی اوزگرتیریش بلدیه باشلیغی‌نینگ صلاحیتی‌دن ایمس دیر.
هرات ولایتی‌نینگ بلدیه اداره‌سی باشلیغی‌نینگ بیانات‌لری برچه‌دن آرتیق اجتماعی ترماق ایشلاوچی‌لری‌نینگ جدی عکس‌العمل‌لریگه سبب بولدی.
فیسبوک ایشلاوچی‌لریدن بیرقطاری، بلدیه باشلیغی‌نی ایش‌سیزلیک‌که عیب‌لب و بیرقطاری، اونینگ بیانات‌لرینی کم‌سیتگن‌لر.
عین حالده، هرات یشاوچیلریدن بیرقطاری‌نینگ ایتیشیچه، بلدیه باشلیغی بو توغریده صحبت قیلیش اورنی‌گه شهر ایش‌لرینی قیلیشی کیره‌ک.
اوشبو موضوع توغریسیده بلدیه باشلیغی‌نینگ فکرینی اورگه‌نیش اوچون علاقه قوردیک؛ بیراق او و بلدیه‌نینگ باشلیغی مسؤوللری جواب بیریش‌گه حاضر بولمه‌دیلر.
عین حالده، هرات ولایتی‌نینگ بلدیه ادارهسینی باشلیغی اوز فیسبوک صحیفه‌سیده بیر اعلامیه ترقه‌تیب ایتیشیچه، شهری ییرلرگه آت قوییش نیچه کوندن بویان محلی ارگانلر اداره‌سی‌نینگ بویروغی بیلن باشلنگن و عمومی ییرلر و جاده‌لرگه آت قوییش جریانیده هیچ بیر آت اوزگرتیریلمه‌یدی.
