هرات ولایتیده قطار عیاللر امنیتی کوچلردن حمایت قیلیش مقصد ده قان بیریش کمپاین یولگه قویگن‌لر. اوشبو کمپاین بیرینچی مرته هرات ولایتیده عیاللر ریاستی تامانیدن اوشبو ولایت حوزه‌یی کسل‌خانه‌سیده یولگه قوییلدی و جاری هفته اداغی گچه دوام تاپه‌دی.
هرات ولایتی بوییچه عیاللر ریاستی‌نینگ باشلیغی انیسه سروری‌نینگ امنیتی کوچ‌لرگه قان بیریش جریانیده ایتیشیچه، شونینگدیک برنامه‌لرنینگ یولگه قوییلیشی امنیتی کوچ‌لرگه روحیه بیره‌دی.
خانم سروری هرات یشاوچی‌لری اینقسه عیاللردن امنیتی کوچلردن حمایت قیلیش مقصد ده قان بیریش کمپاین‌گه اشتراک قیلیش‌لرینی سوره‌گن.
هرات ولایتیده عیاللر ریاستی باشلیغی‌نینگ ایتیشیچه، کوپراغ قان توپله‌نیشی اوچون عمومی فراخوان بیرگنلر و اوشبو کمپاین بیرینچی کونی‌ده بو اداره ایشلاوچی‌لری قان بیرگن و کیله‌جک کون‌لرده باشقه عیاللرنینگ بو لایحه‌گه اشتراک قیلیش‌لری ممکن.
شوتوغریده…
مذکور کمپاین‌گه قان بیرگن عیاللردن بیری اسما نینگ ایتیشیچه، قان بیریش فرهنگی‌نینگ رواج‌له‌نیشی کیره‌ک.
هرات ولایتیده قان بانکی‌نینگ باشلیغی دکتر فرهاد ترابی نینگ ایتیشیچه، توپلنگن قان‌لر نیازی بولگن کیشیلر اینقسه امنیتی کوچ‌لر یاره‌دارلریگه بیریله‌دی.
هرات قان بانکی باشلیغی‌نینگ کوپه‌یتیریشیچه، کونده 120 پاکت قانی دولتی و خصوصی کسلخانه‌لرگه توزیع قیله‌دیلر و آی‌ده 10-20 پاکت قانی 207 ظفر قول اردو قومندانلیگی‌گه کمک قیلهدی.
