.jpg)
هرات‌ده طالبلرنینگ اوز آره‌سیده یوز بیرگن آتیشمه‌ده 11 طالب هلاک ایتیلیب و باشقه 11 ته‌سی یره‌لنگن.
هرات حاکمی سوزلاوچیسی جیلانی فرهادنینگ سلام‌وطندارگه ایتیشیچه، اوتگن کیچه شیندند تومنی‌ده طالب‌لر رهبری ملاهبت‌الله‌نینگ طرفداری ملاصمد جنگری‌لری و ملارسول‌نینگ طرفداری ملاننگیالی‌نینگ جنگری‌لری بیر- بیراوی بیلن آتیشگن‌لر.
جناب فرهادگه کوره، بو آتیشمه‌ده ملاصمدنینگ جنگری‌لردن 9 ته‌سی و ملاننگیالی‌نینگ جنگری‌لریدن 2 ته‌سی هلاک ایتیلگن.
هرات حاکمی سوزلاوچیسی‌نینگ ایتیشیچه، اوشبو آتیشمه‌ده ایکی تاماندن باشقه 11 کیشی یره‌لنگن.
هرات حاکمی‌نینگ سوزلاوچیسی‌گه کوره، شیندند تومنی‌نینگ ایریم قسمت‌لری امنیتی کوچلرنینگ نظارتی‌گه اوتگن و بو تومن‌نینگ وضعیتی اوستیگه حاکم بولگن‌لر.
بیراق، حاضرگچه قورال‌لی طالب‌لر، بو آتیشمه توغری‌سیده هیچ نرسه دیمه‌گن‌لر.
