ایرته‌لب اویدن چیقیشی‌میز بیلن اوزی‌میزگه قره‌شی‌میز کیره‌ک و هر بیر قویگن قدمیمیزگه دقت قیلیشی‌میز لازم. «محسن نامجو» نینگ ایتیشیچه، توف تاشقینی‌گه چومیلیب قالمه ماقچی بولیب؛ کوچه‌لر، باغ و پارک‌لرده قره‌سک، اوته‌دیگنلر اوزیدن بیر توف قویگن و بیله‌میز بوییردن قیسی بیر کیشی اوتگن.
افغان یشاوچی‌لردن کوپیسی ایریم مخدرماده‌لرگه چلینگن‌لر؛ کوپلب انسانلر اوبیلن بولیشنی ایسته‌یدیگن اینگ تانیقلی و تاریخی مخدرماده‌لردن بیری ناس یا نسوار دیر.
حقیق‌ده پیاده‌رولر و یوللرده اوزالیب یاتگن کومکی نرسه‌لر؛ انه شو نسوارگه تانیلگن ذات دیر. اهالی آلدیده نسواردن استفاده قیلیش شونچه هم طبیعی بولگن کی؛ کوپلب اویلرده بیلی اینگیش‌گینه توفدانی‌لر قویلگن تا (قانوق) مهمانلر راحت‌لیک بیلن نسوارلرینی توفله‌سین‌لر.
افغانستان سیاست‌چیلری ارا هم نسوار نقشی اوته چقور و تاریخی و فرهنگی جهت‌دن یخشی مناسبتلی بیر ذات بولگن. «افغان-انگلیس» ایکینچی اوروشی‌ده دوست محمدخان اوغلی وزیر محمد اکبرخان اوروشدن قول کوتاریشی اوچون کوز عینکی و نسوار قوطی‌سینی یوبارگن ایدی.
حاضرگی سیاست‌چیلریمیز اراهم توف فرهنگی یول تاپگن. ملی بیرلیک حکومت اجرایی ریاست ایکینچی اورین باسری محمد محقق، 20- عقرب ناراضی‌لیک بیلدیرگن یشاوچی‌لرگه قره‌تیب بولرنینگ کوپیسی‌نی یوزیگه توفله‌نگن و حاضر اوشه توفله‌نگنلر کیلیب «ارگ، مرک، مرک، ارگ» دیدیلر، دیگن ایدی. شونینگ‌دیک جناب محقق ایچکی تیلویزیونلربیلن قیلگن صحبتی‌ده، بوندن آلدین آلمان مملکتی 7یوزمینگ کیشی‌نی قبول قیلماقچی ایدی؛ اما حاضر اوز توفله‌گنینی قیتیب یوتگن، دیدی. اونگه کوره، اولر مهاجلرنی چیقاریشگه حق‌دار ایمس.
یشاوچی‌لرهم بیرانته‌نی سیاسی سوکماقچی بولسه‌لر توف‌دن استفاده قیله‌دیلر. اگر، ینه 20- عقرب اعتراضی‌گه قیتیب بارسک، ناراضی‌لیک کورستگن‌لر؛ اگر هربیریمیز بیر توفله‌سک ارگنی سیل باسه‌دی دیگن شعارلرنی بیرردیلر.
اولکه ایریم شهرلری و قیشلالریده تومار بیره دیگن ملالر هم مراجعت قیلگن کسل‌لر آغزیگه توف‌لرینی تشلب، اوزلری ایتگن‌دیک کسل‌لیگی یخشی بوله‌دی و بوقصه‌نینگ تاریخی اوزون دیر.
نسواردن باشقه بیر ینگی‌لیک چیقیب کیلگن، اونی هم ایسیم‌دن چیقمس‌دن ایتیشیم کیره‌ک، مخصوص «یستیققه» اوخشه‌گن نسورانینگ اصلی شکلینی یاشیریب گوزه‌ل بیر حالتنی اونگه بیریب، لب بیلن تیش آره‌سیده قویله‌دی. بو یستیقچه (پان) لرنی توفله‌ش ییرلری مکتب‌لر و بیلیم یورتلر صحنی‌ده کوپلب کوره‌میز.
توفله‌شنی هم فصلی بار؛ یشاوچی‌لردن کوپیسی قیش فصلی‌ده، موترلر سلنسریدن کیلیب چیقه‌دیگن دود، بخاریلردن چیقه‌دیگن تاش کومیر دودی کابل هواسی‌گه باشقه بیر تورخ بیره‌دی. قیش‌ده‌گی دودلر، قویاش نینگ ییردن اوزاغ قالیب حرارتی آز بولگن بیرچاغده بوله‌دیگن موسم دیر، اونده کابل شهری دود بیلن بویه‌لیب قاله‌دی و بوحالت اوزی یشاوچیلرنی توفله‌شگه مجبور قیله‌دی.
فرض قیلینگ، کابل پایتخت نینگ 5 میلیوندن آرتیق جمعیتی هر کون بیر انیقلنگن ییرده توف‌لگنلریده؛ سیزچه نیمه بولیشی ممکن؟
