کابل یشاوچیلرینینگ ایتیشیچه، حاضرگی شرایطده هر قندهی آتیشمه یشاوچیلرنی جانیگه تیگیب و خواطرگه سالهدی. یشاوچیلرنینگ ایشانچی گه کوره، مملکت سپورتچیلرینینگ یوتوقلری، خواطرگه سبب بولمهیدیگن حالده نشانلنیشی کیرهک. عین حالده، ایچکی ایشلر وزیرلیگی، اوتگن کیچه آتیشمهلری توغریسیده، اونلرچه کیشی قولگه آلینگنیدن خبر بیرهدی.
اوتگن کیچه زمبابوه تیمی برابریده افغانستان ملی کرکت تیمی غلبه قازانگنیدن سونگ، باشکینت یشاوچیلریدن بیرقطاری، خرسندلیک بیلدیریش اوچون هواگه اوق آتگنلر و بو واقعه باشکینت یشاوچیلرینی جدی شکلده خواطرگه سالگن.
اوشبو آتیشمهلر اجتماعی ترماقلرده هم جدی عکسالعمللرگه روپهره بولدی و اجتماعی ترماقلرنینگ ایشلاوچیلری، اوتگن کیچه یوز بیرگن واقعهنی زورهوانلیک و قوپاللیک رواجلنیشی دیگنلر.
.jpg)
عین حالده، ایچکی ایشلر وزیرلیگی سوزلاوچیسی اورین باسری نصرت رحیمینینگ سلاموطندارگه ایتیشیچه، اوتگن کیچه آتیشمهلری توغریسیده اونلرچه کیشی پولیس تامانیدن قولگه آلینگن و اولرگه قانون اساسیده، جزا بیریلهدی. او، پولیس عسکرلری تامانیدن هم اوق آتیلگنی توغریسیده یشاوچیلر آرقهلی بولگن ادعالرنی رد قیلهدی.
بو بیرینچی مرته ایمس کیم، ملی کرکت تیمی غلبه قازانگنده کابل یشاوچیلری هواگه اوق آتگن بولسهلر، بوندهی واقعهلر نیچه مرته یوز بیرگن و ایچکی ایشلر وزیرلیگی هر مرته واقعهلر تیکشیریلیشی توغریسیده سوز بیرگن، بیراق تیکشیریشلر هیچ بیر نتیجه بیرمهگن.
