مسکرات‌نی باشقریش قانونی کمیده ایکی ییل آلدین نماینده‌لر کینگشی تامانیدن تصدیق‌لنگن ایدی.
اوشبو قانون‌ده سیگرت، قلیون و باشقه مسکرات‌دن فایده‌لنیش خصوصیده قیسقرتمه‌لر وضع ایتیلدی و اونگه اساس، عمومی ییرلر جمله‌دن کافی‌شاف‌لر، هوتل‌لر، تاکسی و عمومی نقلیه واسطه‌لریده مسکرات‌دن فایده‌لنیش نا جایز و خطا کارلر قانون قرشی‌لیگی‌گه روپه‌ره بوله‌دی.
بیراق، کافی‌شاف‌لرنینگ ایشلاوچی‌لریدن بیرقطاری، هوتل‌دارلر، و یشاوچی‌لرنینگ ایتیشیچه، مسکرات قانونی‌نینگ عملده تطبیق ایتووچی اداره‌لر، حاضرگه‌قدر بو توغریده هیچ بیر ایش قیلمه‌گن. کابل شهریده شهرت قازانگن کافی‌شاف ایشلاوچی‌لریدن بیری محمدبلال‌نینگ سلام‌وطندارگه ایتیشیچه، کونده قطار یاشلر، تفریح و میوه‌یی قلیون دود قیلیش اوچون اولرنینگ کافی‌شاف‌لریده کیله‌دیلر. بلال‌نینگ ایتیشیچه، مهمان‌لریدن کمیده 40 فایزی‌نی عیاللر تشکیل بیره‌دی.
کافی شاف‌نی بیر چیکه‌سیده اولتیریب سیگرت چَکه‌دیگن یاشلردن بیری مسعود صوفی‌زادی‌نینگ سلام‌وطندارگه ایتیشیچه، حاضرگچه هیچ بیر پولیس و یا مسکرات قانونی‌نینگ عملده تطبیق ایته‌دیگن اداره‌لر عمومی ییرلرده سیگرت چَکیشی‌گه قرشی‌لیک کورستمه‌گن.
بیراق، مسکرات قانونی‌نینگ بیر قسمی‌نی عملده تطبیق ایتیش مسؤولی عامه ساغلیک وزیرلیگی رسمی‌لری‌نینگ ایتیشیچه، اولر توانی باریچه مسؤولیت‌لرینی عملگه آشیرگن و کابل شهردارلیگی‌نینگ همکارلیگی‌ده، کابل شهریدن برچه سیگرت و باشقه مسکرات‌نینگ تبلیغ قیله‌دیگن لوحه‌لرنی توپله‌گن. ساغلیک وزیرلیگی عامه‌وی علاقه ریاستی باشلیغی اسماعیل کاووسی‌گه کوره، حاضرگی وضعیت‌گه ایچکی ایشلر وزیرلیگی و مسؤول اداره‌لر دقت‌سیزلیگی سبب بولگن.
شونینگ‌دیک، ایچکی ایشلر وزیرلیگی سوزلاوچیسی‌نینگ اورین باسری نجیب دانش‌نینگ بو توغریده ایتیشیچه، اولر ییترلیچه سعی و حرکت قیلگن؛ بیراق اوشبو قانون‌نی مملکت بویلب تطبیق ایتیلیشی‌گه وقت کیره‌ک.
انه شونده‌ی، مذکور قانون‌نی تطبیق ایتیشی‌گه مسؤول کابل شهردارلیگی یشش محیط باشلیغی داکتر ادریس توخی‌نینگ ایتیشیچه، عمومی ییرلر و هوتل‌لرده مسکرات قانونی‌نینگ تطبیق ایتیش و تیکشیریش خصوصیده اولرنینگ بشری کوچی جوده هم آز دیر و اولر یالغیز ییل‌ده کابل دوکانلری و هوتل‌لریدن بیر مرته کوریب چیقه‌آله‌دی.
جناب توخی‌گه کوره، پایتخت هوتل‌لری‌نینگ ایگه‌لری، مسکرات قانونی‌نینگ تطبیق ایتیش و رعایت قیلیش خصوصیده، کیلیشووگه قول قویگن و اوشبو کیلیشوونامه بیر خبرنامه شکلده چاپ ایتیلیب، شهر هوتل‌لریده قیستیریلیشی توغری‌سیده قرار قیلینگن.
هر بیر حالده، مسکرات‌گه قرشی قانون عمومی ییرلرده اوشبو ایکی ییل‌ده تطبیق ایتیلگن صورتده، نه فقط مخدره ماده بنگی‌لری و سیگرت چَکه‌دیگن‌لر رقمی آزه‌یردی، بلکیم قرِی کیشی‌لر صورتی باله‌لر نظریده اوزگرردی و آنگ‌لریده سیگرت و قلیون چَکیش اورنیده قرِی‌لر و یاشلر شخصیتی‌دن اورنَک قالردی.
