بادغیس ولایتینینگ جوند تومنینی قتناو یوللری اون ییلدن ناتینچلیکلر باعث، مذکور تومن یشاوچیلرینینگ یوزیگه یاپیلگن.
جوند تومنینینگ ولسوالی محمدهاشم عثمانی، مذکور تومنگه مرکزی حکومت دقتسیزلیگیدن خواطر بیلدیریب ایتیشیچه، اوشبو تومن یشاوچیلری طالبلرگه باج بیرمهگن صورتده، بو تومننینگ قتناو یوللریدن اوته آلمهیدیلر.
جوند تومنینینگ ولسوالیگه کوره، بادغیس ولایتی اوچون طالبلر تامانیدن والی قیلیب تعیینلنگن شیخ کریمنینگ اویی، مذکور تومننی 3 کیلومترلیگیده جایلشگن و بو تومنده کوپینچه ناتینچلیکلرگه سبب بولگن. چونکه محلی حکومتنینگ ییترلیچه کوچی یوقلیگی سبب، طالبلرنی برابریده توخته آلمهیدی.
بیراق، بادغیس ولایت کینگشی اعضاسی عبدالباسط صارم، جوند تومنینینگ قتناو یوللری توسیلگنینی معما بیلیب ایتیشیچه، حکومت حاضرگهقدر بو توغریده هیچ بیر ایش قیلمهگن.
عین حالده، جوند تومنینینگ اهالیسی مذکور تومننی محلی حکومتیدن تنقید قیلیب ایتیشیچه، محلی حکومت یالغیز جوند بازارینینگ خوفسیزلیگینی تأمین قیلهدی.
بادغیس حاکمی سوزلاوچیسی جمشید شهابی، جوند تومنینینگ قتناو یوللری یاپیقلیگی و امنیتی قیینچیلیکلرنی تَن آلهدی؛ بیراق ایتیشیچه، ولایت مقامینینگ ینگی تیمی، موجود قیینچیلیکلرنی حل قیلیش اوچون بوتون کوچیدن ایش آلهدی.
جوند تومنی بادغیس ولایتینینگ مرکزی قلعۀ نو شهرینی 165 کیلومترلیگیده جایلشگن. طالبلر نیچه ییلدن بویان مذکور تومنده فعالیت قیلهدی و امنیتی کوچلر بیلن اولرنینگ آرهسیده یوز بیرهدیگن کوندهلیک اوروش اهالینی قیینچیلیککه روپهره قیلگن.
