بوگون «شنبه» کابلده 1396- ییل، 12- و 13- جوزا ده هلاک ایتیلگنلرنی 2- ییللیگیدن ایسلش مراسمیده ملی بیرلیک حکومت اجراییه باشلیغی عبدالله عبدالله، باش قارهلاوچیلیک تامانیدن حبیبالله احمدزی جلب ایتیلگنی گه غیرمستقیم شکلده اشاره قیلیب ایتیشیچه، فساد دوسیهلری اوزلری فسادگه باتگنلرگه تاپشیریلمهسی کیرهک.
اونگه کوره، یشاوچیلر حاضرگچه مملکت عدلی و قضایی ادارهلریگه ایشانمهیدی.
اجراییه باشلیغی نینگ ایتیشیچه، فساد دوسیهلری مدنی جماعهچیلیک اعضالری، دین عالملری، یشاوچیلر و نمایندهلر کینگشی اعضالری تامانیدن تیکشیریلیب و اوتکزیلگن تدقیقات نتیجهسی مملکت یشاوچیلری تامانیدن قبول قیلینیشی کیرهک.
جمهورلیک ریاستی نینگ سابق مصلحتچیسی حبیبالله احمدزی، جمهورلیک ریاستی سرایی ده اخلاقی فساد موجودلیگی توغریسیده ادعا قیلگنی باعث، اوتگن هفته پنجشنبه کون باش قارهلاوچیلیک تامانیدن جلب ایتیلگن. جناب احمدزی، میدیالر بیلن اوتکزگن صحبتیده، جمهور رئیس غنی نینگ اطرافیده بولگنلرنی فاحیشهلیکنی رواجلنتیریش و نمایندهلر کینگشی سیلاوی نامزدلریدن بیرقطاری گه پول بیریش گه عیبلگن.
