افغانستان بوییچه ناتو تشکیلاتی نینگ ملکی نماینده‌سی نیکولاس کی، افغانستانده مأموریتی یکونلنیشی توغریسیده بیرگن پیامی‌ده طالبان گروهی دن افغانستان نینگ اوتگن 18 ییل‌لیک یوتوقلری گه تَن بیریب و اوروش دن قول تارتیشی‌نی سوره‌گن.
نیکولاس کی نینگ ایتیشیچه، افغانستان اهالیسی نینگ قوچاغی یالغیز مملکت‌لری گه تینچلیک کیلتیره‌دیگن‌لر، عقیده‌لریگه حرمت قیله‌دیگن‌لر، قانون نی آیاق آستی قیلمه‌یدیگن‌لر، انسان حقوقی، مدنی و سیاسی ایرکین‌لیک‌لرنی اولردن آلمه‌دیگن‌لرگه آچیق بوله‌دی.
ناتو تشکیلاتی نینگ ملکی نماینده‌سی‌نی طالبان گه خطاب ایتیشیچه: «25 ییل‌دن سونگ، بوگون سیزلر افغان عیاللری، ایرکک‌لری و باله‌لرینی اولدیره‌سیزلر و یالغیز مقصدلرینگ اوز توزوم‌لرینگ نی اولرگه تحمیل قیلیش دیر. سونگی اوچ ییل‌ده مین افغانستان بویلب کوپلب سفر قیلدیم و اهالی بیلن صحبت اوتکزدیم. اولر مین گه افغانستان اوزگرگنینی ایتیشدی. اولر طالبان رژیمی ینه قیتیشی‌نی ایستمه‌یدیلر. اولر مملکت‌لری گه تینچلیک کیلتیره‌دیگن‌لر، عقیده‌لریگه حرمت قیله‌دیگن‌لر، قانون نی آیاق آستی قیلمه‌یدیگن‌لر، انسان حقوقی، مدنی و سیاسی ایرکین‌لیک‌لرنی اولردن آلمه‌دیگن‌لرنی قبول قیلیشه‌دی.
نیکولاس کی نینگ اوشبو پیام ده اورغولشیچه، انسان حقوقی، مدنی و سیاسی ایرکین‌لیک‌لر افغانلرنینگ قیزیل چیزیغی بولگن.
عین حالده، افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری نینگ اعلان قیلیشیچه، میلادی 2020- ییل‌نینگ بیرینچی اوچ آیی ده افغانستانده یوز بیرگن اوروش نتیجه‌سیده 150 باله شامل 500 دن آرتیق تینچ اهالی هلاک ایتیلگن.
شونینگدیک، ایکی کون آلدین ناتو تشکیلاتی‌ده آمریکانی دایمی نماینده‌سی کی بیلی هاچسون نینگ ایتیشیچه، افغانستانده زوروانلیک‌لرنی میزانی قبول قیلینمس شکلده کوپه‌یگن و طالبان گروهی تینچلیک شرط‌لرینی نقض قیلگن.
