.jpg)
افغانستان اجراییه ریاستی نینگ بلند مرتبه لی رسمیلری، تیزیمنی ریاستیدن صدارتیگه اوزگرتیش سعی و حرکتلری نینگ بیرینچی تدبیرلریدن حسابلهنیش دنی بیلدیرگنلر. اجراییه ریاستی اساسی قانون اوزگرتیریلیشی و قدرت مرکزی بولمسلیگی اوچون هنوز تاکیدلیدی.
ملی بیرلیک حکومتی اجراییه ریاستی سوزلاووچیسی مجیب رحمان رحیمی کابلده خبری بیر انجمنده، بولر مملکت ملی منفعتلرینی نظرده توتگن حالده، مردمگه بیرگن وعدهلری عملگه آشیریلشیی هر قندهی سعی وحرکت آلیب بارییشدن ایهمسلیگینی بیلدیرگن.
جناب رحیمی، اتلافی حکومتلرده قیینچیلیکلر و معمالر آلدین دن معلوم بیر گپ دیگن. اونینگ سوزلریگه کوره، ملی بیرلیک حکومتی تشکیل ایتیلیشی اوچون امضا چیکیلگن بوتون شرطنامه نینگ مادهلر تطبیق ایتلیشیده متعهدلر. «هر تامانلمه همکارلیک موجود بولگن – ده ایدی، شرطنامه نینگ موادلری نیچه آی آلدین عملی بولردی» دیگن او.
عبدالله عبدالله بیلن جمعیت حزبی نینگ اجراییه ریاستی باشلیغی عطامحمدنور بیلن سیاسی شرطنامه عملگه آشیریلمهگن لیک توغریسیده علاقهسی ترهنگلشگن بیر پیتده حکومت نینگ اجراییه ریاستی باشلیغی شرطنامه مادهلری عملی بولیشی اوستیده اورغولهگن.
افغانستان اوزگریش موج بنیادی بوگون کابلده اوتکزگن انجمنده ریاستی تیزیم صدارتیگه اوزگرتیریلیشی خصوصیده تاکید قیلگن. بو بنیادنینگ باشلیغی فوزیه کوفی، حاضرگی قیین چیلیکدن اوتیشنینگ بیرینچی یولی تیزیمی صدارتیگه اوزگرتیریلیشده دیگن.
نمایندهلر مجلسی نینگ سابق رییسی محمد یونس قانونی، مملکت ده گی موجود قیین چیلیکلرنی کوتاریش و قوملرنی سیاسی قدرتگه شریک قیلیش اوچون بیرینچی حل یول تیزیمی صدارتی بولیشی دیگن.
جناب قانونی اساسی قانون تصدیق بوله دیگن زمان صدارتی همده ریاستی تیزیم اوچون ایکی نسخه بار ایدی، لیکن صدارتی تیزیم اوچون نظرده توتیلگن نسخه « یوقالدی» دیگن.
