کیسکین حمایه‌وی کوچ‌لر قومندانی جنرال جان نیکلسون‌نینگ ایتیشیچه، داعش و باشقه تروریستی گروه لر کامل صورتده نابود ایتیلگن گه‌قدر افغانستان دولتی دن حمایت قیله‌دی.
بوگون " یکشنبه" جلال‌آباد شهریده خبری ییغین اوتکزگن جنرال جان نیکلسون‌نینگ ایتیشیچه، بیرینچی‌دن جلال‌آباد شهری و باشقه شهرلرنی تصروف قیلیش داعش گروهی‌نینگ برنامه‌لریدن ایدی؛ بیراق افغانستان‌لیک حربی‌لر و کیسکین حمایه‌وی کوچ‌لرنینگ همکارلیگی سبب اوشبو گروه شکست بیلن دوچ کیلیب قیته‌دن تاغ‌لرگه چیقگن.
اونینگ ایتیشیچه، تیینچ‌لیک و حکومت‌نینگ طالبلر بیلن بولگن آتیش‌کیسین لایحه‌سیدن حمایت قیله‌دی؛ بیراق امریکا حکومتی و کیسکین حمایه‌وی کوچ‌لر رهبرلیگی طالبان گروهی بیلن روپه‌ره صحبت قیلمه‌گن.
کیسکین حمایه‌وی کوچ‌لر قومندانی‌نینگ ایتیشیچه، ناتو باشلیغ‌لری امنیتی واقعه‌لر و افغانستان تیینچ‌لیک لایحه‌سی توغریسیده بحث قیلیش اوچون تیزلیکده بیر ییغین یولگه قویه‌دی.
ننگرهار حاکمی حیات‌الله حیات‌نینگ اوشبو ییغین‌گه ایتیشیچه، جنرال جان نیکلسون، داعش نی نابود قیلیش و سیلاولر امنیتی نی تامین‌لش خصوصیده اطمینان بیرگن.
