نیمروز ولایتی یشاوچیلری، ایچهدیگن سوو یوقلیگیدن شکایت قیلهدیلر. 2 یوز عایله محل یشاوچیلری، ایچهدیگن سوو اوچون آیده 4 مینگ افغانی تولیدیلر. عین حالده عایلهلر آیده درآمدی 12 مینگ افغانی ایمس.
محل یشاوچیلرگه کوره، منطقهده سوو ییتکیزهدیگن برنامهلری تطبیق بولگنده، اولرنینگ سوو باره سیدهگی معمالری حل بولیشی ممکن. سوو قیینچیلیگی حل بولگنده، اهالی سوو اوچون صرفلنهدیگن پولنی آذوقهلری اوچون هزینه قیلهدیلر.
نیمروز قیشلاقلر رواجلنتیریش ریاستی مسؤوللری هم ایچهدیگن سوو آزلیگینی تأیید قیلیب ایتیشلریچه، نیچه ییلدن بویان سوو آزلیگی حل ایتیش بارهسیده برنامه و لایحهلر قول اوستیگه آلگنلر. نیمروز قیشلاقلر رواجلنتیریش باشلیغی فریداحمد عظیم نینگ بیلدیریشیچه، ولایت ایریم ییرلریده قودوق و سوو ییغینی توزهتیلگن؛ اونینگ کوپهیتیریشیچه، مذکور سوو ییغینلریدن بیری 1200 متر مکعب سوو توتیش ظرفیتیگه ایگه وهربیرعایله اوچون کوندهلیک 110 لیتر سوو ترقتهدی.
جناب عظیمیگه کوره، بو لایحه بیرینچی بولیمی ایجاد بولگن و ایکینچی بولیمی هم تیزلیکده ایش آلیشگه بیریلهدی. نیمروز ولایتی قیشلاقلر یوکسلتیریش باشلیغی، نیمروز جنوب غربی منطقهلریدن اوتکزگن تیکشیروولری اساسیده ییر آستیدن سوو بولاقلرینی تاپیشگه موفق بولگنلر.
اونگه کوره، مذکور سوو بوتونلی طبیعی ایکن و اونی تصفیه قیلیشگه نیازی یوق.
شو سونگی ییللرده نیمروز ولایتی قوروقچیلیکلر بیلن روپهره بولگن ایدی. سوو آزلیگی یشاوچیلر ایچهدیگن سوولرگه قول تاپیشلری اوچون کوپلب قیینچیلیکلر بیلن روپهره قیلگن ایدی.
هیرمند دریاچهسیده کیلهدیگن سوولر اولکه مرکزی تاغلریدن آقهدی. نیمروز یشاوچیلری اوچون ایریک سوو منبعسی بولگن.
