بوگون «یکشنبه» ساغلیقنی سقلش خلق ارا کونیدن نشانلش مراسمیده افغانستان ساغلیقنی سقلش وزیرلیگینی وزیری فیروزالدین فیروزنینگ ایتیشیچه، مملکتدن تشقری دارولنیش اوچون بارهدیگن کسللرنینگ رقمی ییترلی شکلده کمهیگن.
ساغلیقنی سقلش وزیرلیگی وزیری نینگ ایتیشیچه، حاضر مملکت ایچیده آغیر کسللیکلرنی تشخیص قیلیش و اولرنی دارولش اوچون زمینه یرهتیلگن. افغانستان کسللریدن یالغیز 3.7% دارولنیش اوچون چیتایل مملکتلرگه بارهدیلر.
شونینگدیک، اوشبو مراسمده معارف وزیرلیگینی سرپرستی میرویس بلخی نینگ ایتیشیچه، ساغلیک خصوصیده معلومات بیریش مذکور وزیرلیک نینگ اساسی مقصدلریدن بیری دیر.
جناب بلخی گه کوره، قویاش جاری ییلده اوقووچیلرگه ساغلیک خصوصیده معلومات بیریلهدی و بو ایش کسللیکلرنی آلدی آلینیشی اوچون اساسی رول اوینهیدی.
معارف وزیرلیگی سرپرستی نینگ ایتیشیچه، تیزلیککه ساغلیقنی سقلش وزیرلیگی نینگ همکارلیگی بیلن معارف وزیرلیگی تامانیدن بوتون مکتبلرده بیر برنامه یولگه قوییلهدی و اونگه اساس بیرینچی صنف اوقووچیلری کسل یا-ده بولمهگنی بیلگیلنیشی اوچون معاینه قیلینهدیلر.
ساغلیقنی سقلش وزیرلیگی نینگ مسؤوللری تامانیدن بیریلگن رقم اساسیده، حاضر مملکت یشاوچیلریدن 85% ساغلیک خذمتلریگه قول تاپگنلر.
