ساغلیک وزیرلیگی نینگ ایتیشیچه، اوتگن 24 ساعت ده 12 ولایتده کرونا ویروسی نینگ 179 ایجابی واقعهسی قید ایتیلگن.
بوگون (شنبه 13- ثور) مذکور وزیرلیک سوزلاوچیسی وحیدالله مایار خبری بیر ییغین آرقهلی ایتیشیچه، بولردن 75 کیشی کابل، 23 کیشی هرات، 18 کیشی بلخ، 16 کیشی جوزجان، 15 کیشی قندهار، 10 کیشی غزنی و 7 کیشی بغلان ده بو ویروس گه چلینگن.
شونینگدیک، 5 کیشی لوگر، 4 کیشی تخار، 3 کیشی غور، 2 کیشی زابل و باشقه بیر کیشی هلمند ده مذکور ویروس گه چلینگنی انیقلنگن.
اوشبو ینگی واقعهلر قید ایتیلیشی بیلن مملکتده 33 ولایتیده کووید 19 کسللیگی گه چلینگنلر سانی 2 مینگ 469 کیشی گه ییتیشدی. شونینگدیک بولرنینگ آرهسیده 249 ساغلیک ایشلاوچیسی شامل دیر.
ساغلیک وزیرلیگی سوزلاوچیسی نینگ کوپهیتیریشیچه، اوتگن 24 ساعت ده کرونا ویروسی گه چلینگن 21 کسل (10 کیشی هرات، 8 کیشی هلمند، 2 کیشی نیمروز، 1 کیشی غور) دارولنگن و باشقه 4 کیشی هرات، بلخ، قندوز و خوست ولایتلریده مذکور ویروس باعث جان بیرگن.
مذکور رقم بیلن دارولنگنلر سانی 331 کیشی گه ییتیشگن و شونینگدیک جان بیرگنلر سانی 72 کیشی گه ییتیشگن.
