د پنجشېر د ولایتي شورا رییس عزم الدین مرزايي وايي، د دې برید په پخلي سره سلاموطندار ته وویل، شاوخوا ۳۰وسلهوالو طالبانو نن مخکې له غرمې د ابشار ولسوالۍ د «غلغلې ښار» او «قلعهتري» په کلیو بریدونه کړي.
د مرزايي په خبره، سیمهيیز ځواکونه په سیمه کې راټول او وسلې يې راخيستي او هڅه کوي چې د مخکې تګ مخه یې ونیسي.
نوموړي زياته کړه چې طالبانو یو ځل وړاندې هم په دې کلیو بریدونه کړي وو.
د پنجشیر د والي مرستیال محمد امین صدیقي سلاموطندار ته وويل، د پنجشېر له مرکز او ابشار ولسوالۍ نه امنیتي ځواکونه سیمې ته په لاره دي.
ابشار ولسوالۍ د پنجشېر له مرکز نه ۴۵ کيلو مټره واټن لري.
پنجشېر له کابل سره په ګاونډ کې پروت هغه ولايت دی چې په نسبي توګه په کې امن دی.
