د ماليې وزارت ویاند اجمل حمید عبدالرحیمزي د سه شنبې په ورځ کابل کې خبري غونډې ته وویل، چې ماليې وزارت له نړیوال بانک سره په بېلابېلو برخو کې د سمون لهپار تړون لاسلیک کړی و.
عبدالرحیمزي زیاته کړه، چې د سمون په اړه د تړون توکو په پلي کولو سره به نړیوال بانګ ۹۰۰ میلیونه ډالر د ماليې وزارت ته ورکوي.
د نوموړي پروینا له اداري فساد سره د مبارزې او ځینو نورو سمونو په بدل کې د مالیې وزارت له نړیوال بانک څخه ۱۸۹ میلیونه ډالر ترلاسه کړل.
دی وايي، چې د مالیې وزارت له نړیوال بانک څخه تراوسه پورې ټولټال ۵۵۰ میلیونه ډالر تشویقي پیسې ترلاسه کړی دي.
مالیې وزارت ویاند وایي، په دې سره په بېلابېلو برخو کې د سمون له پاره د دغه وزارت هوډ نور هم پیاوړی کېږي.
د یادونې ده، چې نړیوال بانک دا پیسې افغانستان ته په وړیا توګه ورکوي.
عبدالرحیم زي وویل، مالیې وزارت ته د روان مالي کال تر پایه د ۱۵۳ میلیارده افغانیو عوایدو راټولولو هدف ټاکل شوی، چې دغه وزارت په لومړیو ۶ میاشتو کې ۷۰ میلیارده افغانۍ عواید راټول کړي دي.
مالیې وزارت وایي، د عوایدو کچې لوړوالي یو لامل له اداري فساد سره مبارزه ده.
